جەلىدە رەسەي جولاۋشىلار ۇشاعىنىڭ قۇلاعان ءساتى تۇسىرىلگەن كادرلار پايدا بولدى - كەسكىن

استانا. قازاقپارات - عالامتور جەلىسىندە دونداعى روستوۆتا اۋە كەمەسىنىڭ قۇلاعان ءساتى تۇسىرىلگەن كادرلار پايدا بولدى.

الدىن شامالاۋ بويىنشا، بۇل - بۇگىن اپاتقا ۇشىراعان Boeing جولاۋشىلار ۇشاعى.

ۆيدەوداعى ۇشاق اۋەدە كۇرت تومەندەپ، اعاشتاردىڭ ارتىندا كورىنبەي قالعان، ودان كەيىن قاتتى جارىلىس بولىپ، قۇلاعان جەردەن ءتۇتىن شىقتى.

دۋبايدان باعىتتاپ كەلە جاتقان Boeing 738 جولاۋشىلار ۇشاعى دونداعى روستوۆ قالاسى اۋەجايىنىڭ ۇشۋ-قونۋ جولاعىنىڭ سول جاعىندا قۇلادى. الدىن الا مالىمەتتەر بويىنشا، قايعىلى وقيعا جەرگىلىكتى ۋاقىت بويىنشا ساعات 3:40 تا ورىن العان. اۋە كەمەسىنىڭ بورتىندا 61 ادام بولدى (55 جولاۋشى مەن ەكيپاجدىڭ 6 مۇشەسى). جولاۋشىلاردىڭ اراسىندا ءتورت بالا بولدى، دەپ جازادى ر ي ا نوۆوستي.