ماۋگلي قازاقشا سويلەيدى

الماتى. قازاقپارات - بىرنەشە ۇرپاق بالالىق شاعىنىڭ سۇيىكتى كەيىپكەرى - ماۋگلي قازاقشا سويلەيتىن بولادى.

جاڭا ەپيكالىق شىتىرمان وقيعالى قاسقىرلار ارسىندا وسكەن بالا تۋرالى «دجۋنگلي كىتابى» كينو فيلمى وتاندىق ەكرانعا شىعادى.

ونى اۋدارۋ وتاندىق كاسىبي «Aray Мedia Group»   دىبىس جازۋ ستۋدياسىندا جاسالىپ، لوندونداعى «Shepperton»  ستۋدياسىندا جۇيەلەندى. دۋبلياج رەجيسسەرى ايجدان جامشيتوۆا، ول بۇرىن «كۇلبيكە»، «مالەفيسەنتا» جانە باسقا دا فيلمدەردى دۋبلياجداۋعا قاتىسقان بولاتىن.

دۋبلياجعا وننان استام قازاقستاندىق اكتەرلەر: بەكبولات قۇرمانعوجايەۆ (باعيرا)، يسلام زەينوللايەۆ (شەر-حان)، اينۇر بەرماگانبەتوۆا (ك ا ا)، اقارىس ۋتەۋىلوۆ (ماۋگلي) قاتىستى.

بالالىق شاقتان تانىس، دجۋنگليدە قاسقىرلار اراسىندا وسكەن بالا ماۋگلي تاريحى وسىلايشا ۇلكەن ەكرانعا شىعادى. 1967-جىلى تۇسىرىلگەن Disney انيماتسيالىق فيلمى «دجۋنگلي كىتابى» تولىق مەتراجدى كوركەم فيلمىنە اينالعان بولاتىن.