09:59, 19 - ناۋرىز 2016 | GMT +5
الەۋمەتتىك جەلىلەر پايدالانۋشىلارى الماتىداعى ۇلكەن كەپتەلىستى تالقىلاۋدا - كەسكىن
استانا. قازاقپارات - الماتىداعى كولىك كەپتەلىسى - كۇندەلىكتى ۇيرەنشىكتى جاعداي، دەگەنمەن دە، ءزاۋلىم عيماراتتان تۇسىرىلگەن بەينەجازبا مىڭداعان قازاقستاندىقتاردى بەي-جاي قالدىرمادى.
الماتىداعى ءال-فارابي كوشەسىندەگى ۇلكەن كولىك كەپتەلىسى تۋرالى بەينەروليك ينستاگرام ztb_kz تانىمال جەلىسىندە پايدا بولدى، وسى ماڭداعى ءزاۋلىم عيماراتتان تۇسىرىلگەن قالا كوشەلەرىندەگى مىڭداعان اۆتوموبيلدەر شامدارى وزگەشە اسەر قالدىرادى.
الماتى تۇرعىندارى الەۋمەتتىك جەلىلەردە قالادا كوپتەن تۇراتىندار ءۇشىن بۇل كورىنىس تاڭسىق ەمەس ەكەنىن ايتادى. بەلسەندى كولىك اعىنى جاعدايىندا ءومىر سۇرۋگە الماتىلىقتاردىڭ ەتى ۇيرەنىپ كەتكەن. كەيبىر قازاقستاندىقتار بەينەروليكتەگى تالقىلاۋدا قوعامدىق كولىككە كوشۋگە جانە جاياۋ جۇرۋگە ۇندەيدى.
