08:26, 19 - ناۋرىز 2016 | GMT +5
تۇڭعىش عارىشكەر گاگارينگە ەسكەرتكىش اشىلادى
استانا. قازاقپارات - 12- ساۋىردە چەرنوگوريالىق رادوۆيچي قالاسىندا ك س ر و- نىڭ تۇڭعىش عارىشكەرى يۋري گاگارينگە ەسكەرتكىش اشىلادى، دەپ حابارلادى «رۋسسكي ۆەك» پورتالى رەسەيمەن ىنتىماقتاستىق كوميتەتىنىڭ باسپا ءسوز قىزمەتىنە سىلتەمە جاساپ.
شارا مەرەيتويلىق اتاۋلى كۇنگە - ادامنىڭ عارىشقا العاشقى ۇشۋىنىڭ 55 جىلدىعىنا ورايلاستىرىلعان.
جوبانىڭ باستاماشىسى سلوۆەنيالىق يۋست رۋگەل. كاسىپكەر يۋست رۋگەل رەسەيمەن كوممەرتسيالىق بايلانىستارمەن قاتار گۋمانيتارلىق جوبالاردى دا جۇزەگە اسىرۋدا.
ەسكەرتكىش وسى ماقساتقا يۋ. رۋگەل ساتىپ العان ۋچاسكەدە ورناتىلادى. ەسكەرتكىشتىڭ اۆتورى - ماسكەۋلىك ءمۇسىنشى ۆاديم كيريللوۆ.
