پەتروپاۆلدا ناۋرىز مەرەكەسىنە وراي تىلەك اعاشى ورناتىلدى - فوتو

پەتروپاۆل. قازاقپارات - پەتروپاۆلدا كوكتەمنىڭ باستى مەرەكەسى - ناۋرىز مەيرامىنا دايىندىق قىزۋ ءجۇرىپ جاتىر.

قالانىڭ ورتالىق الاڭىنا كيىز ۇيلەر تىگىلۋدە. سونداي-اق بۇل جەرگە 5 مەترلىك تىلەك اعاشى ورناتىلدى. بۇل - استانالىق ديزاينەرلەردىڭ مەرەكەگە جاساعان سىيى.

پەتروپاۆلدا ناۋرىزدى ءۇش كۇن بويى تويلايدى.

«21- ناۋرىز كۇنى ناۋرىز مەرەكەسىن تويلاۋ ورتالىق الاڭدا باستالادى. كەز كەلگەن ادام كيىز ۇيلەرگە بارىپ، ۇلتتىق تاعامداردان ءدام تاتا الادى. سونىمەن بىرگە كونسەرتتىك باعدارلامالار مەن ءتۇرلى سايىستار ۇيىمداستىرىلادى. باۋىرساق جەپ جارىسۋ، ەڭ ءدامدى ناۋرىز كوجە، سۋرەتشىلەر بايقاۋى وتەدى.

سونداي-اق 25 مەترگە دوستىق داستارحانى جايىلادى. وندا ءار ۇلتتىڭ ۇلتتىق تاعامدارى قويىلادى. مەرەكەلىك باعدارلاما 22-23- ناۋرىز كۇندەرى دە جالعاسىن تابادى»، - دەپ حابارلادى پەتروپاۆل قالاسىنىڭ مادەنيەت جانە تىلدەردى دامىتۋ باسقارماسىنىڭ باسشىسى ءاليا بەيسەنوۆا.