ب. ساعىنتايەۆ ماسكەۋدە وتكەن ەكونوميكالىق كەڭەسىنىڭ وتىرىسىنا قاتىستى
«ءىس- شارا بارىسىندا ەكونوميكالىق ىنتىماقتاستىق ماسەلەلەرىنىڭ كەڭ اۋقىمى تالقىلاندى. اتاپ ايتقاندا، ت م د ەكونوميكالىق كەڭەسىنىڭ مۇشەلەرى قاتىسۋشى ەلدەر اراسىنداعى حاتتاما، ەركىن ساۋدا ايماعى تۋرالى، مەملەكەتتىك ساتىپ الۋلاردى رەتتەۋ ەرەجەلەرى جانە راسىمدەرى تۋرالى شارت، ەلەكتر ەنەرگەتيكاسى نىساندارىنداعى اپاتتار جايلى اقپارات الماسۋ تۋرالى كەلىسىم، حيميا ونەركاسىبى سالاسىنداعى ت م د مەملەكەتتەرى ىنتىماقتاستىعى تۇجىرىمداماسى جوبالارىن قارادى»، دەلىنگەن حابارلامادا.
بۇدان وزگە، وتىرىس قاتىسۋشىلارى اتوم ەنەرگياسىن بەيبىتشىلىك ماقساتتا پايدالانۋ سالاسىنداعى ت م د مەملەكەتتەرىنىڭ يادرولىق جانە رادياتسيالىق قاۋىپسىزدىك تۇجىرىمداماسىن جۇزەگە اسىرۋ بويىنشا ءبىرىنشى كەزەكتەگى ءىس-شارالار جوسپارىن، سونداي-اق دوستاستىق مەملەكەتتەرىنىڭ جەر قويناۋىن بارلاۋ، پايدالانۋ جانە قورعاۋ بويىنشا بىرلەسكەن جۇمىستارىنىڭ 2016-2020 -جىلدارعا ارنالعان پەرسپەكتيۆالى جوسپارىن تالقىلادى. اتالعان قۇجاتتار ەلدەردىڭ ەنەرگەتيكا جانە گەولوگيالىق بارلاۋ سالاسىنداعى ىنتىماقتاستىعىن كەڭەيتۋگە باعىتتالعان.
كەڭەس مۇشەلەرى 2020 -جىلعا دەيىنگى كەزەڭگە ت م د قاتىسۋشى ەلدەرىنىڭ يننوۆاتسيالىق ىنتىماقتاستىعىنىڭ مەملەكەتارالىق باعدارلاماسىن جۇزەگە اسىرۋ بارىسىمەن تانىستى.
