قالتاي مۇحامەدجانوۆتىڭ تۋعان اۋىلىندا ەسكەرتكىش اشىلدى - فوتو
بۇل تۋرالى قىزىلوردا وبلىسى اكىمدىگىنىڭ باسپا ءسوز قىزمەتى حابارلادى.
شاراعا وبلىس اكىمى قىرىمبەك كوشەربايەۆ قاتىسىپ، سىرداريالىقتاردى ناۋرىز مەرەكەسىمەن قۇتتىقتادى.
«ناۋرىز مەرەكەسىن ەلدىك ماڭىزى زور، تاربيەلىك ءمانى بار شارادان باستاپ وتىرمىز. الاشتىڭ اناسى اتانعان سىر ەلى ۇلت تاريحى مەن رۋحانياتىمىزدا ەرەكشە ورنى بار تالاي قايراتكەرلەر مەن زيالىلاردى تۋعىزعان قاسيەتتى توپىراق. سىردا تۋىپ، قازاقتىڭ قالتايى اتانعان اتاقتى دراماتۋرگقا قويىلعان ەسكەرتكىش اۋىل كوركىنە كورىك قوسىپ، جاستاردىڭ بويىندا پاتريوتتىق سەزىم قالىپتاستىراتىنى انىق. بۇگىنگى قۋانىشتارىڭىز قۇتتى بولسىن! جىل باسى وتباسىلارىڭىزعا اماندىق، باق- بەرەكە تىلەيمىن»، - دەدى وبلىس اكىمى قىرىمبەك كوشەربايەۆ.
مەرەكەگە وراي ورتالىق الاڭدا كۇرەس، گىر تاسىن كوتەرۋ سياقتى سپورت تۇرلەرىنەن جارىستار ۇيىمداستىرىلدى. اۋىل تۇرعىندارى ءۇشىن ونەرپازدار كونتسەرت قويىپ، كەلگەن قوناقتار كيىز ۇيلەردەن ءدام تاتتى.
