دجۋنگلي كىتابى فيلمىنىڭ كەيىپكەرلەرى قازاق تىلىندە سويلەيدى
«كنيگا دجۋنگلەي»/«دجۋنگلي كىتابى» ادامزات وتە المايتىن نۋ ورمان اراسىندا، قاسقىرلارمەن ارپالىسىپ، اڭدارمەن قاتار ءجۇرىپ، شىڭدالعان، كىشكەنتاي ادام بالاسى تۋرالى ەپيكالىق شىتىرمان وقيعالى جاڭا كينوفيلم. اكەلا، ايۋ بالۋ، پانتەرا باگيرا - ءارقايسىسى قورعانسىز قالعان ماۋگليعا دجۋنگليدىڭ كۇردەلى زاڭىن ۇيرەنۋگە، اڭ، قۇس جانە جىلان ءتىلىن تۇسىنۋگە كومەكتەسەدى. دۋبلياجداۋ جۇمىستارى وتاندىق Aray مەdia Group كاسىبي دىبىس جازۋ ستۋدياسىندا، ال اقتىق دۋبلياجداۋ جۇمىستارى لوندونداعى Shepperton ستۋدياسىندا ىسكە اسىرىلدى.
دۋبلياجدىڭ رەجيسسەرى - ايجان جامشيتوۆا. ول بۇدان بۇرىن جاسالعان «كۇلبيكە»، «مالەفيسەنتا»، «كولىكتەر» جانە وزگە دە انيماتسيالىق فيلمدەردىڭ دۋبلياجدارىنا قاتىسىپ، مول تاجىريبە جيناقتاعان. دۋبلياجداۋ جۇمىستارىنا ون تورتتەن جوعارى قازاقستاندىق اكتەرلار تارتىلدى. «دجۋنگلي كىتابىنىڭ» باستى كەيىپكەرلەرىنە بەكبولات قۇرمانعوجايەۆ (باگيرا)، يسلام زەينوللايەۆ (شەر-حان)، اينۇر بەرماعانبەتوۆا (ك ا ا)، اقارىس وتەۋلوۆ (ماۋگلي) سىندى ونەر مايتالماندارى وزدەرىنىڭ داۋىستارىن سىيلادى.
جوبا ۇيىمداستىرۋشىلارى: «بولاشاق» قاۋىمداستىعى، الماتى قالاسى اكىمشىلىگىنىڭ جانە «مەلومان» كومپانياسىنىڭ قولداۋىمەن. جوبانىڭ باس دەمەۋشىلەرى: «Bank RBK» ا ق، «Exclusive Story» ج ش س.
ايتا كەتەيىك، ءتۇپنۇسقانى دىبىستاعان اكتەرلار: بەن كينگسلي، سكارلەتت يوحانسسون، بيلل ميۋررەي، كريستوفەر ۋوكەن، لۋپيتا نيونگو، يدريس ەلبا. بارىمىزگە بالالىق شاقتان تانىس دجۋنگليدىڭ نۋ ورمانىندا اداسىپ كەتىپ، قاسقىرلار اراسىندا وسەتىن كىشكەنتاي ماۋگلي وقيعاسى ۇلكەن ەكرانعا قايتا ورالادى.
ديسنەي ستۋدياسى وسىعان دەيىن «دجۋنگلي كىتابىنىڭ» نەگىزىندە تۇڭعىش رەت 1967 -جىلى ۇسىنعان كلاسسيكالى انيماتسيالىق فيلم سيۋجەتىنەن باستالعان وقيعانى جاڭا «دجۋنگلي كىتابى» كوركەم فيلمىنە اينالدىرادى.
سوجەت بويىنشا، وتە قاۋىپتى، ازۋى التى قارىس جولبارىس شەرحانمەن ۇزدىكسىز كۇرەس جۇرگىزىپ كەلە جاتقان ماۋگلي، قاسقىرلار ءۇيىرىن تاستاپ كەتىپ، جاڭا ءومىر باستاۋعا ءماجبۇر بولادى. ونى الدا پانتەرا باگيرا، ايۋ بالۋ، پيتون كاا جانە وزگە دە دجۋنگليدىڭ نۋ ورمانىندا ءومىر سۇرەتىن جانۋارلارمەن قىزىق تا، قيىن جول كۇتىپ تۇرعان بولاتىن.
ايتا كەتەيىك، Disney ستۋدياسىنىڭ «دجۋنگلي كىتابى» اتتى جاڭا شىتىرمان وقيعاعا تولى فيلمدى ءتۇسىرۋ بارىسىندا زاماناۋي تەحنولوگيالار، فوتورەاليستىك جانۋارلار سۋرەتتەرى قولدانىلدى. بۇل ءوز كەزەگىندە كورەرمەندەرگە جابايى تابيعاتتىڭ تىلسىم كورىنىستەرىن كوز الدىنا بارىنشا شىنايى ەلەستەتۋگە جانە ماۋگليدىڭ شىتىرمانعا تولى ەرلىك ىستەرىنە كۋا بولۋعا مۇمكىندىك بەرەدى. ماۋگليدىڭ رولىنە مىڭداعان ۇمىتكەردىڭ ىشىنەن ون جاستاعى نيل سەتحي تاڭداپ الىندى. 1890 -جىلداردىڭ باسىندا ۆەرمونت قالاسىندا جازۋشى رەديارد كيپلينگ قىسقا اڭگىمەلەرمەن جۇمىس جاساي وتىرىپ ونى «دجۋنگلي كىتابى» شىعارمالار جيناعىنا توپتاستىردى.
