ق. توقايەۆ حالىقارالىق بايقاۋشىلارمەن كەزدەستى - فوتو
رۋمىنيا پارلامەنتى دەپۋتاتتار پالاتاسى ءتوراعاسىنىڭ ورىنباسارى فلورين يورداكەمەن كەزدەسۋ كەزىندە ەكى ەلدىڭ ءوزارا پارلامەنتارالىق ءىس-قيمىلىنىڭ وزەكتى ماسەلەلەرى تالقىلاندى.
ق. توقايەۆ رۋمىنيا سەناتىنىڭ ءتوراعاسى ك. پوپەسكۋ-تەريچانۋدى قازاقستانعا ساپارمەن كەلۋگە شاقىردى. ءتوراعا ءماجىلىستىڭ جاڭا قۇرامى شاقىرىلعانعا دەيىنگى بۇكىل پارلامەنتتىڭ زاڭ شىعارۋ مىندەتىن اتقارىپ كەلە جاتقان قازاقستان سەناتىنىڭ قازىرگى قىزمەتى، سونداي-اق ەلىمىزدەگى اۋقىمدى ينستيتۋتتىق رەفورمالاردى ىسكە اسىرۋ تۋرالى ايتىپ بەردى.
«پرەزيدەنت ن. نازاربايەۆتىڭ ۇلت جوسپارى ەكونوميكالىق دامۋ مەن ساياسي تاۋەلسىزدىكتىڭ بەرىك كەپىلى بولىپ تابىلادى»، - دەدى ول.
ق. توقايەۆ قازاقستانداعى سايلاۋ اشىق ءارى ادىلەتتى، ۇلتتىق زاڭناما مەن حالىقارالىق ستاندارتتارعا سايكەس بولاتىنىن اتاپ ءوتتى.
ف. يورداكە قازاقستانداعى سايلاۋالدى جاقسى احۋالدى اتاپ ءوتتى. «ەلدەرىڭىزدى سوڭعى جىلداردا جۇزەگە اسقان ماڭىزدى رەفورمالارمەن قۇتتىقتايمىز. قازاقستان قازىرگى كەزدە ايماقتاعى جەتەكشى ەكونوميكا بولىپ تابىلادى. ءوز كەزەگىندە رۋمىنيا ىنتىماقتاستىقتى نىعايتۋ ءۇشىن كۇش سالا وتىرىپ، ەۋروپا وداعى مەن ورتالىق ازيا اراسىنداعى كوپىر بولۋعا ءازىر»، - دەدى رۋمىنيا پارلامەنتى دەپۋتاتتار پالاتاسى ءتوراعاسىنىڭ ورىنباسارى.
ق. توقايەۆپەن كەزدەسۋدە بولگاريا رەسپۋبليكاسى ۇلتتىق جينالىسىنىڭ دەپۋتاتى، ە ق ى ۇ پ ا ميسسياسىنىڭ بايقاۋشىسى دەسيسلاۆا اتاناسوۆا دا جان-جاقتى ىنتىماقتاستىقتى ودان ءارى نىعايتۋ جايىندا ايتتى. ونىڭ پىكىرىنشە، مەملەكەتتىڭ وركەندەۋىندە كۇشتى ءارى سارابدال كوشباسشىلىقپەن بايلانىستى. قازاقستان پرەزيدەنتى ن. نازاربايەۆ ەل ىشىندەگى حالىقتى بىرىكتىرىپ، كۇردەلى گەوساياسي ۇدەرىستەردە ماڭىزدى ءرول اتقارادى، - دەدى دەپۋتات. بولگاريا قازاقستان حالقى اسسامبلەياسىنىڭ ماجىلىستەگى وكىلدىگىنىڭ ەرەكشە تاجىريبەسىن ەگجەي- تەگجەيلى زەردەلەۋدە. بولگاريا تاراپى قازاقستان مەن ەۋرووداق اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمدى قازاقستان سەناتىنىڭ راتيفيكاتسيالاۋىن قۇپتادى.
سول كۇنى پارلامەنتتىڭ جوعارعى پالاتاسىنىڭ دەپۋتاتتارى ا ق ش، پولشا جانە تۇركپا بايقاۋشىلارىمەن دە كەزدەستى.
اۆتور: سەرىك قاراجان
