نانجيڭدە «قورعاس- شىعىس قاقپاسى» ارنايى ەكونوميكالىق ايماعىن دامىتۋ» ينۆەستيتسيالىق فورۋمى ءوتتى
فورۋمدى «قازاقستان تەمىر جولى» ۇ ك» ا ق پرەزيدەنتى اسقار مامين العى سوزبەن اشتى. ول ق ر جانە ق ح ر باسشىلارى نۇرسۇلتان نازاربايەۆ پەن شي جينپيڭ باستاماشىلىعىمەن «نۇرلى جول» باعدارلاماسى جانە «جىبەك جولى ەكونوميكالىق بەلدەۋى» جوباسى اياسىندا جۇزەگە اسىرىلىپ جاتقان جۇمىستاردىڭ بىرلەسكەن كولىكتىك- لوگيستيكالىق جۇيەسىن جەتىلدىرۋگە جانە ەۋرازيالىق قۇرلىقتاعى تاسىمالداۋدى دامىتۋداعى ساۋدا كولەمىنىڭ ارتۋىنا جەتكىزەتىن قادام ەكەندىگىن اتاپ ءوتتى.
«ا ە ا ەرەكشەلىگى 180 ميلليون تۇرعىنى بار جانە ق ح ر - مەن 110 ميلليارد ا ق ش دوللارى كولەمىندە ساۋدا اينالىمىن قۇرايتىن ەۋرازيالىق وداق نارىعىندا جاڭا ءوندىرىس ورىندارىن قۇرۋ مەن يندۋستريالىق سەرىكتەستىكتىڭ قانات جايۋىنا زور مۇمكىندىكتەر اپەرەدى» ، - دەپ اتاپ ءوتتى ا. مامين.
قازىرگى تاڭدا ا ە ا قۇرعاق پورتى كەدەن وداعى، ورتالىق ازيا مەن ەۋروپا، پارسى شىعاناعى ەلدەرىنىڭ تۇتىنۋشىلارىنا جۇكتەردى جەتكىزۋدىڭ لوگيستيكالىق جانە مۋلتيمودالدىق وپەراتسيالارىن جۇزەگە اسىرادى.
«قورعاس- شىعىس قاقپاسى» ا ە ا ايماقتاعى كولىكتىك- لوگيستيكالىق حابى جانە ەكونوميكالىق دامۋ درايۆەرى رەتىندە بىرلەسكەن كولىكتىك- لوگيستيكالىق جۇيەسىن جاساقتاۋ ماڭىزدى بولىپ سانالادى.
«ق ت ج» ۇ ك» ا ق پرەزيدەنتىنىڭ ويىنشا، «نۇرلى جول» باعدارلاماسى جانە «جىبەك جولى ەكونوميكالىق بەلدەۋى» جوباسى اياسىندا جۇزەگە اسىرىلىپ جاتقان جۇمىستار وڭىردەگى جوعارى تەحنولوگياعا نەگىزدەلگەن باسەكەلەستىككە ساي كاسىپورىندار اشۋ، سەرىكتەستىكتى دامىتۋعا ىقپال ەتەدى.
فورۋمدا ءسوز سويلەگەن جياڭسۋ پروۆينسياسى گۋبەرناتورىنىڭ ورىنباسارى جاڭ لي قىتاي تارابىنىڭ ق ر مەن ق ح ر اراسىنداعى «قورعاس- شىعىس قاقپاسى» ا ە ا يندۋستريالىق سەرىكتەستىگىن دامىتۋ باعدارلاماسىنا بەلسەندىلىكپەن قاتىساتىندىقتارىنا سەنىم ءبىلدىردى.
سونداي- اق، فورۋمدا «قورعاس- شىعىس قاقپاسى» ا ە ا باسقارۋشى كومپانياسى» ا ق باس ديرەكتورىنىڭ ورىنباسارى حيشام بيلمااشي، «KTZExpress» ا ق پرەزيدەنتى سانجار ەلۋبايەۆ، «KaznexInvest» ا ق باسقارما ءتوراعاسى، قارجى مينيسترلىگى كەدەندىك مەتودولوگيا دەپارتامەنتىنىڭ ديرەكتورى مارات بەيسەنوۆ ءسوز سويلەدى.
شاراعا 150 دەن استام قىتاي كومپانيالارىنىڭ وكىلدەرى قاتىستى.
فورۋم اياسىندا «ق ت ج» ۇ ك» ا ق پرەزيدەنتى اسقار مامين جياڭسۋ پروۆينسياسىنىڭ گۋبەرناتورى شي تايفەنمەن، ليانيۋنگان قالاسى حالىق ۇكىمەتىنىڭ مەرى شيان سيۋەلونمەن جانە ءبىرقاتار جەتەكشى قىتاي كومپانيالارىنىڭ باسشىلارىمەن كەزدەستى.
تاراپتار «ليانيۋنگان قازاقستان- قىتاي بىرلەسكەن لوگيستيكالىق كومپانياسىن» ءارى قاراي دامىتۋ مەن ليانيۋنگان قالاسىنداعى شىۇ لوگيستيكالىق ايماعىن قۇرۋ، «قورعاس» ح ش س و دامىتۋ ماسەلەسىن قاراستىردى.
كەزدەسۋ بارىسىندا جياڭسۋ پروۆينسياسىنىڭ گۋبەرناتورى شي تايفەن قىتاي تارابىنىڭ «قورعاس- شىعىس قاقپاسى» ا ە ا دامىتۋدى جۇزەگە اسىرۋ ناتيجەلەرىنىڭ بارىنشا ءتيىمدى بولۋىنا جانە ءوزارا ءتيىمدى سەرىكتەستىك اياسىن كەڭەيتۋگە مۇددەلىلىك ءبىلدىردى، دەپ حابارلايدى «ق ت ج» ۇ ك» ا ق باسپا ءسوز قىزمەتى.
ەسكە سالا كەتسەك، جياڭسۋ پروۆينتسياسى قىتايدىڭ يندۋستريالىق- اگرارلىق سالاداعى جەتەكشى ايماقتارى قاتارىنان سانالادى. ايماقتىڭ ىشكى جالپى ءونىمى 1 تريلليون 200 ميلليارد ا ق ش دوللارىن قۇرايدى. جەرگىلىكتى تۇرعىندارىنىڭ سانى 78,6 ميلليونعا جەتەدى.
