امەريكالىقتار تىك قابىرعاعا قونىپ- ۇشا بەرەتىن ينەلىك-درون جاسادى - كەسكىن

استانا. قازاقپارات - ستەنفورد ۋنيۆەرسيتەتىنىڭ ينجەنەرلەرى اۋەد ۇشىپ ءجۇرىپ تىك قابىرعاعا قونىپ، ونىڭ بويىمەن ورمەلەي الاتىن دروندى جۇرت نازارىنا ۇسىندى، دەپ حابارلايدى tech.onliner.by سايتى.

روبوت SCAMP دەپ اتالدى. بۇل Stanford Climbing and Aerial Maneuvering Platform ءسوزىنىڭ قىسقارتىلعانى. روبوتتى قۇراستىرۋشىلاردىڭ سوزىنە قاراعاندا، ول بەلگىلى ءبىر جەرگە جەتىپ، قابىرعاعا بەكىنىپ تۇرىپ اينالاسىنا بارلاۋ جاساي الادى.

دروندارعا قاراعاندا SCAMP ۇزاعىراق جۇمىس جاساي الادى. روبوت اۋەدەگى ورنىن انىقتايتىن داتچيكتەرمەن جابدىقتالعان، اينالاسىن سەنسور كومەگىمەن بارلايدى. ەگەر ول تىك قابىرعادان قۇلاپ كەتسە اۆتوماتتى تۇردە ەبەلەگىن اينالدىرىپ الىپ جەرگە تۇسپەي ۇشىپ كەتە بەرەدى.

ول قابىرعادا بەكىنىپ تۇرعاندا قۋات جۇمسامايتىنى اتالىپ ءوتىلدى. سوندىقتان قاتارداعى دروننىڭ ءۇش مينۋتتىق جۇمىسىنا جەتەتىن باتارەيانىڭ كومەگىمەن SCAMP بىرنەشە ساعات جۇمىس ىستەي الادى.