ق ر قارۋلى كۇشتەرىندە بايلانىسقا ارنالعان ماشينالاردى جەتىلدىردى - فوتو
«قازاقستان ينجينيرينگ» ۇ ك» ا ق- تىڭ ەنشىلەس كاسىپورنى س. م. كيروۆ اتىنداعى زاۋىتتىڭ تەحنيكالىق ماماندارى كاماز اۆتوموبيلىنىڭ بازاسىندا Р-142Н1 كوماندالىق- شتابتىق ماشينالارىن جاڭعىرتۋ جونىندەگى قۇراستىرۋ- تەحنولوگيالىق قۇجاتتامانى ازىرلەدى.
زاۋىت ماماندارىمەن زاۋىتتىق جانە اسكەري سىنامالاردان ءساتتى وتكەن ىشكى بايلانىس اپپاراتۋراسى مەن ماشينا كوممۋتاتسياسى ازىرلەندى.
اپپاراتۋرا باسقارۋ بلوگىن، راديست بلوگى جانە ابونەنتتەردىڭ بلوكتارىن قامتيدى.
كوماندالىق- شتابتىق ماشينا تۇراقتا جانە قوزعالىستا بايلانىستى، راديوارنالار بويىنشا اقپاراتتىڭ (داۋىس جانە دەرەكتەر) تاراتىلۋىن قامتاماسىز ەتەدى، 500 مەترگە دەيىن ۇزىندىقتا جەلى بويىنشا راديوستانتسيالاردى قاشىقتىقتان باسقارۋعا مۇمكىندىك بەرەدى.
راديوستانتسيالاردىڭ GPS- قابىلداعىشتارى ءوزىنىڭ ورنالاسۋ ورنىنىڭ كوورديناتالارىن اۆتوماتتى تۇردە انىقتاۋعا مۇمكىندىك بەرەدى.
قارۋلى كۇشتەردەگى بايلانىس اسكەرلەردى باسقارۋ مۇددەسىندە اقپارات الماسۋدى جۇزەگە اسىرۋعا مۇمكىندىك تۋعىزادى. بايلانىستىڭ باستى مىندەتى - قولباسشىلارعا (كومانديرلەرگە) جانە شتابتارعا كەز- كەلگەن جاعدايدا اسكەرلەردى ۇزدىكسىز باسقارۋ مۇمكىندىگىن قامتاماسىز ەتۋ، اسكەرلەرگە بەلگىنى ۋاقتىلى تاراتۋ.
اسكەري بايلانىسقا قويىلاتىن نەگىزگى تالاپتار ول ونى ۋاقتىلى ورناتۋ، جۇمىس سەنىمدىلىگى، ءىس- قيمىل شاپشاڭدىلىعى.
