قوجا احمەت ياسساۋي كەسەنەسى جاڭا ەكسپوزيتسيالارمەن تولىقتى

 استانا. قازاقپارات - «ازىرەت سۇلتان» مەملەكەتتىك تاريحي- مادەني قورىق- مۇراجايىنىڭ قاراۋىنداعى قوجا احمەت ياسساۋي كەسەنەسىنىڭ «اسحانا»، «قۇدىقحانا» بولمەلەرىندە جاڭا ەتنولوگيا جانە ارحەولوگيا ەكسپوزيتسياسىنىڭ اشىلۋ ءراسىمى ءوتتى.

  بۇل تۋرالى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنەن حابارالادى.

ەكسپوزيتسيانىڭ اشىلۋىنا قازاقستان رەسپۋبليكاسى مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتى ديرەكتورىنىڭ ورىنباسارى كۇمىس سەيىتوۆا، وڭتۇستىك قازاقستان وبلىسى اكىمىنىڭ ورىنباسارى ساكەن قانىبەكوۆ، تۇركىستان قالاسى اكىمىنىڭ ورىنباسارى عاني رىسبەكوۆ، ب ا ق وكىلدەرى، كوللەدج ستۋدەنتتەرى، مەكتەپ وقۋشىلارى جانە ت. ب. قاتىستى.

كۇمىس سەيىتوۆا «ازىرەت سۇلتان» مەملەكەتتىك تاريحي- مادەني قورىق- مۇراجايىنىڭ ۇلتتىق تاريحتى زەردەلەۋ، دارىپتەۋ مەن ساقتاۋ ىسىندە الاتىن ەرەكشە ورنىن ايتىپ ءوتتى. بۇگىن بۇل ەسكەرتكىش ىشكى تۋريزمدى دامىتۋ سالاسىندا دا ايرىقشا ماڭىزعا يە ەكەندىگىنە توقتالىپ كەتتى. ك. سەيىتوۆا مەن و ق و اكىمىنىڭ ورىنباسارى س. قانىبەكوۆ مەملەكەتتىك قورىق- مۇراجايىنىڭ ۇجىمىنا ساتتىلىك تىلەپ، الداعى ۋاقىتتا دا وسىنداي يگى باستامالاردىڭ جالعاساتىندىعىنا سەنىم ءبىلدىردى.

 ەكسپوزيتسياعا «ازىرەت سۇلتان» مەملەكەتتىك تاريحي- مادەني قورىق- مۇراجايىنىڭ قورىنداعى 60-تان استام ارحەولوگيالىق، ەتنوگرافيالىق جادىگەرلەر قويىلدى. بۇل شارانىڭ ماقساتى - حالقىمىزدىڭ قولونەر شەبەرلىگىنىڭ، ۇستالىق ءۇردىستىڭ كونەدەن بىزگە جەتكەن تۋىندىلارىن ۇرپاققا كەڭىنەن ناسيحاتتاۋ.