اتىراۋدا تەڭىز كوتەرىلىپ، اپاتتى جاعداي ورىن الدى
ال تولاسسىز جاۋعان جاڭبىردان 92 باسپانا مەن 125 اۋلا سۋعا تولعان. تاعى 40 قا جۋىق باسپانانىڭ جاعدايىن ءتيىستى ورگاندار باقىلاۋعا الىپتى دەپ حابارلايدى استانا ارناسى.
بۇل تۋرالى قالالىق توتەنشە جاعدايلار دەپارتامەنتى مالىمدەدى. ال اۋداندارداعى جاعداي دا ءماز ەمەس. اسىرەسە يساتاي، جىلىوي، ماقات اۋداندارىنان تۇرعىندار ارنامىزعا قوڭىراۋ شالىپ، باسپانالارىنىڭ سۋدىڭ ورتاسىندا قالىپ جاتقانىن حابارلادى.
قۇتقارۋشىلار 17 - ناۋرىز كۇنى تاڭەرتەڭ كاسپي تەڭىزى جاعالاۋىنان 10 شاقىرىم قاشىقتىقتا جاتقان «زاپادنىي مورسكوي» كەن ورنىنان 41 مۇنايشىنى قاۋىپسىز جەرگە كوشىردى.
«قالادان 22 قۇتقارۋشى مەن 5 تەحنيكا شىعىپ، مۇنايشىلار «زاپادنىي مورسكوي» كەن ورنىنىڭ ۆاحتالىق كەنتىنە قاۋىپسىز جەرگە كوشىرىلدى. كەن ورنى جىلوي اۋدانىنان 150-160 شاقىرىم جەردە ورنالاسقان»، - دەيدى اتىراۋ قالالىق توتەنشە جاعدايلار باسقارماسىنىڭ باستىعى ميحايل حاگاي.
ال قالا بويىنشا توتەنشە جاعدايلار دەپارتامەنتىنە 200 دەن استام ادام كومەك سۇراپ قوڭىراۋ شالعان. ماماندار اپتا اياعىنا دەيىن ءالى جاۋىن- شاشىن بولادى دەپ بولجاپ وتىر. باسپاناسىن سۋ باسقاندار تۋىستارىن جاعالاۋعا ءماجبۇر. تۇرعىندار بىلتىرعى جاعداي تاعى قايتالانعانىنا ناليدى.
