قازاقستاندىق جۇلدىزدار العاشقى ماحابباتتارىن ەسكە الدى

استانا. قازاقپارات - كوپ قىزدىڭ ارمانى بولىپ جۇرگەن جىگىت قاۋىمى ءوزىنىڭ العاشقى ماحابباتتارىن ەسكە ءتۇسىرىپ، كەزدەسۋلەرىنىڭ قالاي وتكەنىن «ريەۆيۋ» باعدارلاماسىندا ايتىپ بەردى.

ماحاببات - كينودا عانا كورسەتىلەتىن وقيعالار ەمەس. ول ءبىر عانا رومانتيكالىق كەزدەسۋدەن نەمەسە اي استىنداعى سۇيىستەن تۇرمايدى. شىدامدىلىق پەن سىيلاستىقتىڭ ناتيجەسىندە عانا پايدا بولادى. مۇنى جۇلدىزدار دا تۇسىنگەندى. قازىر باسى بوس بولىپ، كوپ قىزدىڭ ارمانىنا اينالسا دا، ولار ءبىر كەزدەرى شەكسىز سۇيگەن جاندار بار.

ءالي وقاپوۆ جان دوسى ەكەۋى ءبىر قىزعا عاشىق بولعان. قىزدى سۇيگەندەرى سونشالىق، كەزدەسۋدى ۇشەۋ بولىپ وتكىزۋگە كەلىسكەن.

ءانشى وقاپوۆ «بۇل وقيعا بەسىنشى سىنىپتا بولعان. مەن ءوزىمنىڭ ەڭىلىك قاسىمبەكوۆا اتتى سكريپكاشى سىنىپتاسىما عاشىق بولدىم. دالىرەك ايتقاندا، جان دوسىم ەكەۋىمىز عاشىق بولدىق. ول دا مەنىڭ سىنىپتاسىم ەدى. ءبىز ۇشەۋ بولىپ كەزدەسۋگە دە، كينوعا دا باردىق. مەنىڭ ۇيىمە كەلىپ ءشاي ىشەتىن كۇندەر دە بولعان»، - دەپ العاشقى ماحابباتىن ەسكە الدى.

ءالي وقاپوۆ سۇيىكتىسىن جان دوسىمەن بولىسۋگە كەلىسسە، اكتەر جاندوس ايباسوۆ سۇيگەن قىزىنىڭ سوڭىنان جۇگىرەمىن دەپ كۇلكىگە قالعان.

«مەنىڭ ساسقالاقتاپ سوڭىنان جۇگىرىپ كەتتىم. ول مىنگەن اۆتوبۋسقا بىرگە ءمىندىم. سول جەردە تۇرىپ قاتتى تەرلەدىم. ءبىز سويلەستىك، ءبىراق ءبىر شەتىنەن وسى وقيعا وتە كۇلكىلى كورىنەدى. ول ماعان كوپ ۋاقىت بويى كۇلە قاراعان ەدى»، - دەيدى اكتەر ايباسوۆ.

بۇل جىگىتتەردىڭ ءتاتتى ەستەلىكتەرى بولسا، "Mysterions" توبىنىڭ ءسوليسى ديليان قىزبەن كەزدەسۋدە مۇلدەم جولى بولمايتىنىن جەتكىزدى.

«شىنىمدى ايتسام، كەزدەسۋلەرىمنىڭ ءساتتى وتكەنى ەسىمدە جوق. بار بولسا، بۇگىنگى جابىق كورسەتىلىمگە قىزبەن كەلەتىن ەدىم. وسىدان- اق ءساتسىز كەزدەسۋلەرىمنىڭ كوپ ەكەنىن بايقاي بەرسەڭىزدەر بولادى»، - دەپ ءانشى ديليان ازىرگە وتباسىن قۇرۋعا اسىقپايتىنىن جەتكىزدى.

بۇل سۇربويداقتاردان نۇرلان ءابدۋلليننىڭ جاعدايى وزگەشە. ول وزىنەن الدەقايدا ۇلكەن ادامعا عاشىق بولعان. عاشىعى مەكتەپتەگى ۇستازى بولىپ شىقتى. ونى كورگەن كەزدە ءتىلى بايلانىپ، سويلەي المايتىن كورىنەدى.

 «ءوزىم عاشىق بولعان ۇستازدىڭ ساباعى مەن ءۇشىن رومانتيكالىق كەزدەسۋمەن تەڭ بولاتىن. مەن ونىڭ ءپانىن جاقسى مەڭگەرسەم دە، سەزىمگە "ماس بولىپ" سويلەي المايتىنمىن"، - دەپ ءانشى نۇرلان ابدۋللين العاشقى ماحابباتىن ەسكە الدى.

ءساتسىز كەزدەسۋلەر ديليان مىرزادا عانا ەمەس اكتريسا اينۇر ءىلياسوۆادا دا بولعان ەكەن. رومانتيكالىق كەزدەسۋى باستالماي جاتىپ اياقتالاتىن كورىنەدى.

 «ءبىز كەزدەسۋ ۇيىمداستىردىق. مەن جاعالاۋعا كەلىپ، ونى سىرتىنان كوردىم. ارتىنشا ۇناماي قالىپ، تەلەفونمەن سويلەسكەندەي ءتۇر جاساپ جانىنان وتە شىقتىم»، - دەيدى بويجەتكەن. ال قاراقات ءابىلدينا ءوزىنىڭ العاشقى ماحابباتى قىدىرالى مىرزا ەكەنىن ايتادى. ءبىراق بىردەن عاشىق بولماي، باستاپقىدا ءۇش جىل اعا- قارىنداس بولىپ ارالاسىپ جۇرگەن ەكەن.

Stan.kz