10:11, 18 - ناۋرىز 2016 | GMT +5
اتىراۋ وبلىسىندا تەڭىز سۋى باسقان كەنىشتەن مۇنايشىلار كوشىرىلۋدە
اتىراۋ. قازاقپارات - اتىراۋ وبلىسىنداعى جىلىوي اۋدانىندا تەڭىز سۋى باسقان كەنىشتەن مۇنايشىلار كوشىرىلۋدە. العاشقى 16 ادام قاۋىپسىز جەرگە جەتكىزىلدى.
«17 - ناۋرىز كۇنى تۇندە كەيبىر اۋدانداردا جىلدامدىعى سەكۋندىنا 20 مەترگە جەتكەن كۇشتى ۇيتقىعان جەل كاسپي تەڭىزى سۋىن « زاپادنىي مورسكوي» كەنىشىنە ايداپ تىقتى.
سونىڭ سالدارىنان 40-تان استام ادام جۇمىس جاساپ جاتقان ەكى ۇڭعىنى سۋ باستى. ادامدارعا كومەككە جول تالعامايتىن ماشينالارمەن قۇتقارۋشىلار اتتاندى. العاشقى 16 ادام قاۋىپسىز جەرگە جەتكىزىلدى. ىشىندە قىتاي ازاماتتارى بار مۇنايشىلاردى كوشىرۋ وپەراتسياسى جالعاسۋدا»، - دەپ حابارلادى اتىراۋ وبلىسى ت ج دەپارتامەنتى.
