ساۋد ارابياسى مۇنايدان باس تارتپاق

 استانا. قازاقپارات - ساۋد ارابياسىنىڭ بيلىگى باستى كىرىس كوزى رەتىندەگى مۇنايدان جانە ەنەرگيا رەسۋرستارىنان باس تارتپاق نيەتتە. كورولدىك قايتارىمدى ەنەرگيا كوزدەرىنە باسا كوڭىل بولۋگە ۇمتىلىپ وتىر. بۇل تۋرالى ساۋد ارابياسىنىڭ مۇناي ءمينيسترى ءالي ءال- نايمي ءمالىم ەتتى،

 دەپ حابارلادى Gazeta.ru Bloomberg اگەنتتىگىنە سىلتەمە جاساپ.

«مەن قايتارىمدى ەنەرگەتيكا ءۇشىن ساۋد ارابياسىنان ارتىق ەل تابىلماس، دەپ ويلايمىن»، دەپ ءمالىم ەتتى مينيستر.

 ءال- نايمي كورولدىكتە كۇن ساۋلەسى كوبىرەك تۇسەتىنىن جانە كورولدىكتەگى كوپتەگەن ايماقتار پايدالانىلماي وتىرعانىن اتاپ ءوتتى.

دەگەنمەن ءال- نايمي تاياۋداعى 50 جىل ىشىندە مۇنايدان تولىق باس تارتاتىن ەل شىعا قويماس، دەگەن كۇدىگىن دە جاسىرمادى.

«تاياۋداعى 50 جىل ىشىندە ادامزات وتىننان باس تارتپايدى، بۇل دا جامان ەمەس»، - دەپ مالىمدەدى ءال نايمي.

 ساۋد ارابياسى بۇدان بۇرىن دا ءوز ەكونوميكاسىن ءارتاراپتاندىرۋ، جانە مۇناي ەكسپورتىنا تاۋەلدىلىكتەن ارىلۋ جونىندەگى اۋقىمدى جوسپارىن ايتقان بولاتىن. 2016 - جىلعى قاڭتاردىڭ سوڭىندا ساۋد ارابياسى «مۇنايدان باس تارتۋ» اۋقىمدى جوباسىن ۇسىندى.