تاراز «اۋليە اتا» حالىقارالىق اۋەجايى الەمدەگى ەڭ ءىرى ۇشاقتاردىڭ ءبىرىن قابىلدادى - فوتو

تاراز. قازاقپارات - «اۋليە اتا» حالىقارالىق اۋەجايىنىڭ جاڭعىرتىلعان ۇشۋ-قونۋ جولاعى قالپىنا كەلتىرۋ جۇمىستارىنان كەيىن زاماناۋي ۇشاقتار مەن تىكۇشاقتاردىڭ بارلىق تۇرلەرىن قابىلداۋعا قاۋقارلى.

«اۋليە اتا» حالىقارالىق اۋەجايى» ا ق باسپا ءسوز قىزمەتىنەن حابارلاعانداي، قازىر تاراز اۋەجايىنا چەندۋدان (قىتاي) ۇشىپ كەلگەن بورتىندا 392 توننا جۇگى بار ەڭ ءىرى ۇشاقتاردىڭ ءبىرى -  Aн 124-100 قوندى.

قالپىنا كەلتىرۋ جۇمىستارىنان كەيىن «اۋليە اتا» حالىقارالىق اۋەجايىنىڭ ۇشۋ-قونۋ جولاعىنىڭ ۇزىندىعى - 3,5 كيلومەتر، ەنى - 60 مەتر. بۇل زاماناۋي ۇشاقتاردىڭ بارلىعىن قوندىرۋعا مۇمكىندىك بەرەدى.

اۋماعى 5,5 مىڭ شارشى مەتر جاڭا جولاۋشىلار تەرمينالى ءبىر ساعاتتا 200 جولاۋشىعا قىزمەت كورسەتە الادى.

قازىر «اۋليە اتا» اۋەجايى استانا جانە الماتىعا ۇشاتىن باعىتتارعا قىزمەت كورسەتەدى.

«اۋليە اتا» حالىقارالىق اۋەجايى ءۇشىن قازىر تارازدان الەمنىڭ كەز كەلگەن قالاسىنا تىكەلەي ۇشاق ۇشىرۋعا جانە قابىلداپ الۋعا ەش كەدەرگى جوق.