نازاربايەۆ ۋنيۆەرسيتەتىندە ا ق ش- تىڭ جەتەكشى كومپانيالارىنىڭ كوشباسشى ايەلدەرىمەن كەزدەسۋ ءوتتى
شارا 14-18- ناۋرىز ارالىعىندا ا ق ش پەن قازاقستان اراسىنداعى يننوۆاتسيا سالاسىنداعى ىنتىماقتاستىقتىڭ 25 جىلدىعى اياسىندا وتۋدە. TechWomen دەلەگاتسياسىنا قاتىسۋشىلار استانا جانە الماتى قالالارىندا مەكتەپتەردىڭ وقۋشى قىزدارى ءۇشىن شەبەرلىك ساباقتارىن وتكىزەدى، جاس كاسىپكەر ايەلدەر ءۇشىن «speed geek» نەتۆوركينگ كەزدەسۋلەرىنە، ستۋدەنتتەر مەن ايەلدەرگە ارنالعان بەيرەسمي نەتۆوركينگ كەزدەسۋلەرى ءۇشىن بوس ورىندار جارمەڭكەسىنە قاتىسادى. ولاردا مانساپ رەتىندە جوعارى تەحنولوگيالار سالاسى قارالادى.
TechWomen ماقساتى STEM سالاسىندا قول جەتىمدىلىك پەن مۇمكىندىكتەر ۇسىنۋ ارقىلى كوشباسشى- ايەلدەردىڭ كەلەسى ۇرپاعىنا قولداۋ كورسەتۋ، بايلانىس ورناتىپ، ولاردى جىگەرلەندىرۋ.
بۇگىن استانادا TechWoman دەلەگاتتارىنىڭ «نازاربايەۆ ۋنيۆەرسيتەتىنىڭ» ستۋدەنتتەرىمەن جانە وقىتۋشىلارمەن كەزدەسۋى ءوتتى. ايەلدەر ا ق ش- تىڭ كوشباسشى tech كومپانيالارىندا: Apple, LinkedIn, Mozilla, Symantec جانە Yahoo كاسىپورىندارىندا جۇمىس جاسايتىندىقتارىن ايتتى. دەلەگاتسيا قۇرامىندا ورتالىق ازيادان، سونىڭ ىشىندە قازاقستاننان اقپاراتتىق تەحولوگيالار سالاسىنداعى جەكە كومپانيالاردان جانە تەحنيكالىق ۋنيۆەرسيتەتتەردەن ءتورت قىز بار. ولار ا ق ش- تاعى 2015-جىلعى TechWomen الماسۋ جانە مەنتورلىق باعدارلامالارىنىڭ تۇلەكتەرى. بۇلار وسى كومپانيالاردا تاعىلىمدامالىق جوبالارعا جانە كاسىبي دامۋ سەمينارلارىنا قاتىستى.
وعان قاتىسقان قازاقستاندىقتاردىڭ ءبىرى ديانا تسوي باعدارلاما قازاقستاننىڭ جاس قىزدارىنىڭ ءارتۇرلى سالالاردا مانساپتىق وسۋىنە جول اشۋعا جىگەرلەندىرەتىنىن ايتتى.
بۇل TechWomen دەلەگاتسياسىنىڭ ورتالىق ازياعا العاشقى ساپارى. قازاقستانداعى ا ق ش ديپلوماتيالىق ميسسياسى بۇل ساپار ايماقتا ءتيىمدى ىنتىماقتاستىقتى قۇرۋعا وڭ ىقپال ەتەدى جانە عىلىمي يننوۆاتسيالار سالاسىنداعى ادامدار مەن ەلدەر اراسىنداعى جۇمىستى نىعايتادى دەگەن سەنىمدە.
