20:10, 17 - ناۋرىز 2016 | GMT +5
تانىمال وتاندىق شوۋمەن الماتىداعى ۆەلوجولاقتىڭ تۇيىق بولۋىنا نارازى
الماتى. قازاقپارات - ەلىمىزدەگى تانىمال پروديۋسەر، جۇرگىزۋشى جانە شوۋمەن اديل ليان قالاداعى اباي داڭعىلىنىڭ بويىنداعى ۆەلوجولاقتىڭ تۇيىق بولۋىنا نارازىلىق ءبىلدىردى.
وسى كەمشىلىكتى جويۋ جونىندە ول قالا اكىمشىلىگىنە ءوتىنىش ءبىلدىردى.
«وسى ۆەلوجولاقتى دا شۇبەرەكپەن بۇركەپ قويالىق، ويتكەنى شەتەلدىكتەر الدىندا ۇيات قوي (...). بۇل اباي كوشەسىندەگى ابىلاي حان قيىلىسىنداعى ۆەلوجولاق. نەگە تومەن قاراي قۇرمانعازى كوشەسىنە جەتىپ، قايتادان ابايعا دەيىن كوتەرىلمەسكە. قۇرمەتتى @akimat_almaty وسى تۇيىقتى جويۋلارىڭىزدى سۇرايمىن. راحمەت»، - دەپ جازدى پروديۋسەر ينستاگرامداعى پاراقشاسىندا.
ايتا كەتۋ كەرەك، ونىڭ پاراقشاسىنا جازىلعان كوپتەگەن جەلى پايدالانۋشىلارى باستامانى قولدادى.
