20:00, 17 - ناۋرىز 2016 | GMT +5
قىتايلىقتار اراسىندا شەتەلدەن ءبىلىم الاتىندار سانى كۇرت ارتىپ وتىر
استانا. قازاقپارات - 2015 -جىلى 523 مىڭ قىتايلىق ستۋدەنت شەتەلدە ءبىلىم العان.
بۇل وتكەن جىلعى كورسەتكىشتەن 13,9 پايىزعا ارتىق. بۇل تۋرالى شينحۋا ق ح ر ءبىلىم بەرۋ مينيسترلىگىنە سىلتەمە جاساپ حابارلادى.
ستاتيستيكا كورسەتكەندەي، جوعارىدا اتالعان ستۋدەنتتەردىڭ 25,9 مىڭى مەملەكەتتىڭ، 16 مىڭى جۇمىس بەرۋشىلەردىڭ، ال 481,8 مىڭى ءوز قاراجاتىنا ءبىلىم الدى.
1978 -جىلدان وتكەن جىلدىڭ سوڭىنا دەيىن 4 ميلليوننان استام قىتايلىق شەتەلدە ءبىلىم العان. ونىڭ 2,2 ميلليوننان استامى وقۋىن اياقتاعان سوڭ وتانىنا ورالدى.
