تۋتانحامون مازارىنان جاسىرىن ەكى بولمە تابىلدى

استانا. قازاقپارات - مىسىردىڭ تاريحي جادىگەرلەر ىستەرى بويىنشا ءمينيسترى مامدوح ەلداماتي راديولوكاتسيالىق سكانەرلەۋدىڭ ارقاسىندا تۋتانحامون مازارىندا ەڭ كەمى ەكى جاسىرىن بولمە بار ەكەنىن انىقتاعانىن جاريا. بۇل تۋرالى bbc اگەنتتىگى حابارلادى.

ءمينيستردىڭ سوزىنە قاراعاندا، سكانەرلەۋ نەگىزىندە الىنعان اقپاراتتىڭ دالدىگى %90 شاماسىندا.

جاسىرىن بولمەدە ەجەلگى مىسىر پاتشايىمى نەفەرتيتي پاتشايىمىنىڭ قابىرى بولۋى مۇمكىن، دەپ بولجايدى ارحەولوگتار.

نەفەرتيتي ءبىزدىڭ زامانىمىزعا دەيىنگى 1351-1334 -جىلدارى ەجەلگى مىسىردىڭ پاتشايىمى، پەرعاۋىن امەنحوتەپتىڭ ايەلى، تۋتانحاموننىڭ وگەي شەشەسى بولعان.

وتكەن جىلى نيكولاس ريۆز تۋتانحامون مازارىنىڭ سۋرەتتەرىنەن وندا ەكى تۇستاعى كىرپىشتەردىڭ كەيىن سىلانعانىن بايقاپ، ەسىكتىڭ ورنى بولۋى ءتيىس دەپ بولجاعان. ول ءالى تابىلماعان نەفەرتيتي پاتشايىمىنىڭ ءقابىرى بولۋى مۇمكىن. وسىدان كەيىن وسى تۇستى سكانەرلەۋ جونىندە شەشىم قابىلداندى.

ەسكە سالا كەتسەك، تۋتانحامون مازارى 1922 -جىلى تابىلدى.