پويىز ايالداماسىندا ۇيىقتاپ كەتكەن ەر ادامدى تۇلكى وياتقان - فوتو

استانا. قازاقپارات - ستيۆ گۋلد لوندوندا دوستارىمەن كوڭىل-كوتەرىپ قىدىرعان.

ازداپ ىشىمدىك ىشكەندىكتەن، پويىزدا وتىرىپ، كوزى ءىلىنىپ كەتەدى.

ءسويتىپ، ءوز ايالداماسىنان ءوتىپ كەتكەن. ودان ءتۇسىپ جاقىن ماڭداعى ايالداماعا قايتا بارعاندا، تاعى دا ۇيىقتاپ كەتكەن.

«مەن ەسىمدى بىلمەي، قاتتى ۇيىقتاپ كەتىپپىن. ءبىر ساعاتقا جۋىق ۋاقىت وتكەندە، ويانىپ كەتتىم. قاراسام ءبىر تۇلكى اياق كيىمىم مەن شالبارىمدى تىستەلەپ تارتىپ تۇر ەكەن. ول ماعان: جىگىتىم، سەن قولايسىز ورىندا ۇيىقتاپ جاتىرسىڭ» دەپ تۇرعانداي كورىندى»، - دەيدى ستيۆ گۋلد.

ونىڭ ايتۋىنشا، تۇلكى وعان شاۋىپ، نە تىستەۋگە ارەكەتتەنبەگەن. ول تەك شالبارىن تارتىپ، ونى وياتپاقشى بولعانعا ۇقسايدى. ستيۆ تۇلكىنى سول ۋاقىتتا سۋرەتكە ءتۇسىرىپ ۇلگەرگەن.

وسىدان كەيىن تۇلكى جولدىڭ ارعى بەتىنە قاشىپ كەتكەن. ول جەردە ونى تاعى ءبىر تۇلكى كۇتىپ تۇر ەكەن. بىرەر سەكۋندتان كەيىن ەكەۋى قاراڭىعىدا كورىنبەي كەتىپتى.

«مەنى تۇلكى وياتپاعاندا، نە بولارىن كىم ءبىلسىن. مەن ۇيىقتا جاتقاندا پويىزدىڭ اياعىمدى باسىپ كەتۋى مۇمكىن ەدى عوي. بۇل مەنىڭ ومىرىمدەگى ەڭ ادەمى كورىنىس بولدى»، - دەيدى گۋلد.

سۋرەت: lifenews.ru

دەرەككوز: Stan.kz