ءمادينا بالعابايەۆا: كوزبەن ءسۇيۋ - كوڭىلمەن ءسۇيۋ ەمەس - فوتو
كوپشىلىك ونىڭ ءمىنسىز ەكەنىن، بارشا قازاق قىزدارىنا ۇلگى بولا الاتىنىن ايتادى. ال تەلەجۇرگىزۋشى ءوز كەزەگىندە ەر ازاماتتارعا قىزدىڭ سىرتقى سۇلۋلىعىنا عانا ەمەس، جان- جۇرەگىنە ۇڭىلۋگە كەڭەس بەردى.
كاۋ
بۇل تۋرالى Stan.kz حابارلايدى.
تەلەجۇرگىزۋشى «ەفيردە بويىمدى جاساندىلىقتان الشاق ۇستاۋعا تىرىسامىن. وزدەرىڭىز كورىپ تۇرعانداي، كىرپىكتەرىم، ەرىنىم، شاشىم وزىمدىكى، تىرناقتارىم دا قىسقا. مەن جاساندىلىقسىز اداممىن. ايەلدەردىڭ جاساندى دۇنيەلەرگە قۇمارلىعىن تۇسىنبەيمىن. ءوزىمىزدى وزگەرتۋدىڭ نە كەرەگى بار؟ مەيلى شاشىمىز قىسقا بولسىن، ءبىراق ول جىپ- جىلتىر ءارى وزىمىزدىكى. ەر ازاماتتار دا جاساندىلىقتى ۇناتپايدى دەگەن ويدامىن. ەڭ باستىسى، وزىمىزگە كەز كەلگەن جاستا كۇتىم جاساۋىمىز كەرەك. ءبىز سول كەزدە عانا ءمىنسىز بولىپ كورىنەمىز»، - دەپ "Cosmo"جۋرنالىنا بەرگەن سۇحباتىندا جىگىت پەن قىز قاۋىمىن بارىنشا تابيعيلىقتى باعالاۋعا شاقىردى.
تەلەجۇرگىزۋشى ادامنىڭ بويىنداعى ادالدىق سىندى قاسيەتتى ەرەكشە باعالاپ، جاساندىلىق پەن ساتقىندىقتى ەش كەشىرمەيتىن كورىنەدى. ال تاڭداۋى باسقا ماماندىققا تۇسسە، ۇستاز نەمەسە پسيحولوگ بولۋدى ءجون كورەدى ەكەن.
ارى قاراي «سىرتقى سۇلۋلىقتىڭ الدامشى بولاتىنىن ەر ازاماتتار تۇسىنگەنى ءجون. ادەتتە جىگىتتەر كوزىمەن سۇيەدى دەپ ايتىپ جاتادى عوي. مەنىڭشە، بۇل - قاتە تۇسىنىك. سىرتقى سۇلۋلىق ساناۋلى سەكۋندتاردا عانا باستى ءرول وينايدى، ال ادامدى جاقىنىراق تانىعان سوڭ مۇنىڭ ەش ماڭىزى بولمايدى. ەر ازاماتتار نازىك جاندىلاردىڭ جان- جۇرەگىنە تەرەڭ بويلاسا ەكەن دەيمىن. ال سىرتقى كەلبەتتى ءبىرىنشى ورىنعا قويۋ - ۋاقىتتى بوس وتكىزۋ دەگەن ءسوز»، - دەپ جاستارعا كوزبەن ءسۇيۋدىڭ - كوڭىلمەن ءسۇيۋ ەمەستىگىن جەتكىزگىسى كەلدى.
ءمادينا بالعابايەۆا قازاقى تانىمنان اتتاپ وتپەۋدى ءجون كورەدى. بۇعان دالەل رەتىندە باسىنان وتكەن ءبىر وقيعانى الۋعا بولادى. تەلەجۇرگىزۋشى جازعى دەمالىستا سۋ كيىمىمەن شومىلىپ، ارتىنشا وسى كيىممەن تۇسكەن سۋرەتىن ينستاگرامعا سالعان. جەلى قولدانۋشىلارىنان ءتۇرلى سىن ەستىگەندىكتەن، ەكى كۇننەن كەيىن الگى سۋرەتتى الىپ تاستاعان. دەسە دە مۇنىڭ جاساندىلىق ەمەس ەكەنىن تىلگە تيەك ەتتى.
تەلەجۇرگىزۋشى الدىندا تۇرعان بارلىق مۇمكىندىكتى پايدالانىپ، ومىرگە العىس ايتا ءبىلۋدى ۇيرەنگەن. «مەن كاسىبي مامانمىن، باقىتتى انامىن، ادال دوستارىم بار، سۇيىكتى جۇمىسىم بار، تاماشا مەملەكەتتە ءومىر ءسۇرىپ جاتىرمىن. ومىرىمدەگى ساتسىزدىككە ۇرىنعان كەزدەرىمدى جىپكە تىزە المايمىن، بۇلار بار بولعانى ءبىر نارسەنىڭ ءوزىم ويلاعاننان باسقاشا بولىپ شىعۋى عانا»، - دەپ ومىرىندە وكىنىشتى ساتتەردىڭ مۇلدەم دەرلىك بولمايتىنىن جەتكىزدى.
ەستەرىڭىزدە بولسا، ءمادينا بالعابايەۆا قۇربىسى بايان ەسەنتايەۆامەن بىرگە «ماحاببات ستانتسياسى» فيلمىنە تۇسكەن بولاتىن. ءقازىر "كتك" ارناسىنىڭ تەلەجۇرگىزۋشىسى.
: Stan.kz
