كامەرا الدىندا ايەلىن سۇيگەن مايك تايسون ۇيالعاننان بەتىن جاپتى- كەسكىن

استانا. قازاقپارات - ايگىلى بوكسشى مايك تايسون كامەرا الدىندا ايەلىن ءسۇيىپ، كەيىن ءوزىنىڭ بۇل قىلىعىنان ۇيالىپ، بەتىن جاپتى دەپ حابارلايدى Skifnews.kz.

تانىمال سپورتشى كاليفورنيا شتاتىندا ءوتىپ جاتقان تەننيستەن Indian Wells Masters تۋرنيرىنە كورەرمەن رەتىندە قاتىسىپ، Kiss cam («ءسۇيۋ كامەراسى» ) وبەكتيۆىنە ءتۇسىپ قالعان بولاتىن.

تايسونعا دەيىن بەينەكامەرا وبەكتيۆى وزگە دە جۇپتاردى نىساناسىنا العان بولاتىن. بارلىعى دا قىسىلماستان سۇيىكتىلەرىن ءسۇيىپ شىقتى. ال، تايسون بولسا الدىمەن ايەلىن ءسۇيىپ، ارتىنشا مۇنىسىنا ۇيالعان سىڭاي تانىتىپ، بەتىن جاپتى.

ايتا كەتەيىك، Kiss cam اتالعان تەننيس تۋرنيرىندە كورەرمەندەردىڭ كوڭىلىن اۋلاۋ ءۇشىن ويلاپ تابىلعان جوبا. ويىندار اراسىنداعى ءۇزىلىس كەزىندە ۇيىمداستىرۋشىلار وسىلايشا كەلگەن قوناقتارىنىڭ كوڭىلىن كوتەرەدى.

Nur.kz