14:52, 17 - ناۋرىز 2016 | GMT +5
ا ق ش پرەزيدەنتى كۋبا حالقىنا تاريحي ۇندەۋ جولداماق
استانا. قازاقپارات - ا ق ش پرەزيدەنتى باراك وباما كەلەسى اپتادا كۋباعا ساپارى كەزىندە ارال حالقىنا تاريحي ۇندەۋىن جولدايدى، دەپ حابارلادى «ВВС» اگەنتتىگى «اق ۇيگە» سىلتەمە جاساي وتىرىپ.
پرەزيدەنت اكىمشىلىگى وكىلدەرىنىڭ ايتۋىنشا، الداعى سەيسەنبىدە جوسپارلانعان كەزدەسۋلەردەن كەيىن پرەزيدەنت وباما مەن ونىڭ كۋبالىق ارىپتەسى راۋل كاسترو تىلشىلەر الدىندا بىرگە ءسوز سويلەمەك.
باراك وباما 90 جىلدان كەيىن كۋباعا بارعالى وتىرعان ا ق ش- تىڭ ءبىرىنشى پرەزيدەنتى.
وتكەن جىلدىڭ شىلدە ايىندا ۆاشينگتون مەن گاۆانا 1961 - جىلى توقتاتىلعان ديپلوماتيالىق قاتىناستارىن قالپىنا كەلتىرۋ تۋرالى كەلىسكەن بولاتىن.
وسى اپتادا ا ق ش كۋباعا قاتىستى سانكسيالارىن جەڭىلدەتتى.
