دوللار ۇستاساڭ توعىز جىلعا سوتتالاسىڭ

استانا. قازاقپارات - تاجىكستاندا قىلمىستىق كودەسكە وزگەرىس ەنگىزىلدى.

وسى وزگەرىس بويىنشا بۇدان بىلاي شەتەل ۆاليۋتاسىن الىپ جۇرگەن ادام 4 جىلدان 9 جىلعا دەيىن باس بوستاندىعىنان ايىرىلادى.

ۇلتتىق بانكتىڭ ءتوراعاسى جامشەد نۋرمۋحاممادزودانىڭ ايتۋىنشا، شەتەل ۆاليۋتاسىمەن ساۋدا جاساعان ادام توعىز جىلعا دەيىن باس بوستاندىعىنان ايىرىلۋمەن بىرگە مۇلكى دە تاركىلەنەدى. باس بوستاندىعىنان ايىرۋمەن بىرگە ايىپۇل سالۋ دا كوزدەلگەن. ايىپۇلدىڭ كولەمى 500 دوللاردان 7,5 مىڭ دوللارعا دەيىن.

قاڭتاردا تاجىكستاننىڭ پرەزيدەنتى ۇكىمەت وتىرىسىندا ءتول ۆاليۋتا - سومونيدىڭ شەتەل ۆاليۋتاسىنا شاققانداعى باعامىنىڭ قۇنسىزدانۋى ادەيى، قولدان ۇيىمداستىرىلىپ وتىرعانىن ايتقان بولاتىن. ەمومالي راحمون ۆاليۋتا ايىرباستاۋ تەك بانكتەردە جۇرگىزىلۋى ءتيىس دەگەندى العا تارتىپ، ەكى ورتادا جۇرگەن الاياقتار مەن دەلدالداردى قۇرتۋ جونىندە تاپسىرما بەرگەن.

- ۆاليۋتا باعامىن كوشە ەمەس تاجىكستاننىڭ ۇلتتىق بانكى ايقىنداۋى ءتيىس، - دەگەن بولاتىن پرەزيدەنت.

oinet.kz