وليمپياداعا باراتىن سپورتشىلار كيىمى رەسمي تۇردە تانىستىرىلدى

استانا. قازاقپارات - قازاقستاندىق سپورتشىلاردىڭ ريو- دە- جانەيرو-2016 وليمپياداسىنىڭ اشىلۋىنا كيەتىن سالتاناتتى كيىم ۇلگىسى كەشە رەسمي تۇردە تانىستىرىلدى.

ۇلتتىق وليمپيادا كوميتەتىنىڭ كەزەكتەن تىس سەزىندە فورمانىڭ ساپاسى مەن مودەلى تالقىلاندى. «ءاربىر سپورتشىعا ارنايى ولشەپ تىگىلەتىن كيىمنىڭ ساپاسى كوڭىل كونشىتەرلىك. سەبەبى، ءجۇن مەن لاۆسان ارالاسقان ماتادان تىگىلەدى»، - دەيدى وسى ىسكە جاۋاپتى سەرىكتەستىكتىڭ ديرەكتورى.

 ەر كىسىلەرگە ارنالعان جيىنتىقتىڭ قۇنى -  245 مىڭ، ال ايەلدەردىكى 220 مىڭ تەڭگەگە تۇسەدى ەكەن. «ەڭ باستىسى، سايىسقا قاتىسۋشىلار ءۇشىن فورما ىڭعايلى جانە ماتاسى اۋا وتكىزەدى»، - دەيدى ماماندار.

 ايبەك بەكتۇرعانوۆ، «قازلەگپروم- الماتى» ج ش س ديرەكتورى:

- برازيليا -  جىلى جەر. كليماتى ماڭىزدى. سول ءۇشىن ءبىز يتاليادان ارنايى ماتا قارادىق. «يتاليا باربەريس» دەگەن كومپانيا. جازدىق كوللەكتسيانى قارادىق. اۋا رايىنا ىڭعايلى بولسىن دەپ.

www.24.kz