08:52, 17 - ناۋرىز 2016 | GMT +5
قازاقستان دوپينگكە قارسى زەرتحاناعا جاڭا جابدىق ساتىپ الدى
استانا. قازاقپارات - قازاقستاندىق سپورتشىلار كەلەسى ايدان باستاپ دوپينگكە قارسى جاڭا جابدىقتان تەكسەرىلە باستايدى. ساۋىردە دوپينگكە قارسى زەرتحانادا زاماناۋي تەحنيكا پايدا بولماق.
بۇل تۋرالى «استانا» ارناسىنا بەرگەن سۇحباتىندا سپورت جانە دەنە تاربيەسى كوميتەتىنىڭ ءتوراعاسى ەلسيار قاناعاتوۆ حابارلادى.
ۇلتتىق وليمپيادا كوميتەتىنىڭ پرەزيدەنتى تيمۋر قۇلىبايەۆ جاڭا جابدىق ساتىپ الۋ تۋرالى ماسەلەنى وتكەن جىلعى قاراشا ايىندا قوزعاعان. سەبەبى ەسكى قۇرىلعىلار سپورتشىلار قانىننىڭ قۇرامىنداعى تىيىم سالىنعان پرەپاراتتاردى دۇرىس انىقتاماۋى مۇمكىن.
«زەرتحانا ءساۋىردىڭ باسىندا جەتكىزىلۋى مۇمكىن. شارت جاسالىپ، اقىسى تولەنگەن، جابدىق - زاماناۋي. شەتەلدەن اكەلىنەدى، جەتكىزۋ ۋاقىتى كەلىسىلگەن، ساۋىردە بولىپ قالادى كۇتىپ وتىرمىز. بارلىق قارجىلاندىرۋ ماسەلەلەرى شەشىلدى. WADA ۇسىنىمى بويىنشا ساتىپ الماقپىز، بۇل سپورتشىلارىمىزدى ەگجەي- تەگجەيلى تالداۋىمىز ءۇشىن ماڭىزدى»، - دەدى كوميتەت ءتوراعاسى ەلسيار قاناعاتوۆ.
