08:58, 17 - ناۋرىز 2016 | GMT +5
ەكى فۋتبول كوماندالارىنىڭ اراسىنداعى كەزدەسۋ جاپپاي توبەلەسكە ۇلاستى - كەسكىن
استانا. قازاقپارات - رەسەيدە ۇلتتىق فۋتبول ليگاسىنىڭ 26- ماتچىندا ونەر كورسەتكەن «سيبير» مەن «تورپەدو» (ارماۆير) كوماندالارى اراسىنداعى كەزدەسۋدە فۋتبولشىلار ويىندى توبەلەسپەن اياقتادى، دەپ حابارلايدى رەسەيلىك ب ا ق- قا سىلتەمە جاساي وتىرىپ Vesti.kz.
16- ناۋرىز كۇنى نوۆوسىبىردە وتكەن كەزدەسۋ 2:2 ەسەبىمەن اياقتالدى. ۆالەري كارپين باسقارعان «تورپەدو» كومانداسى ەكى دوپتى پەنالتيدەن ەندىردى. 48- مينۋتتا رومان گريگوريان كوزگە تۇسسە، ويىننىڭ 90- مينۋتىندا جان-جاك بۋگۋي ەكىنشى گولدى قاقپاعا ءدال باعىتتادى. 86- مينۋتتا 11 مەترلىك تاعى ءبىر سوققىنى الەكساندر ۆاسيليەۆ جۇزەگە اسىرا المادى.
بۋگۋيدىڭ گولىنان كەيىن فۋتبولشىلار الاڭدا توبەلەس شىعاردى. تورەشى «تورپەدولىق»: نيكيتا گلۋشكوۆ پەن ابدۋللا اباتسيەۆقا، سونداي-اق «سيبير» ويىنشىسى رومان بەليايەۆقا قىزىل قاعاز كورسەتتى.
ر ف و- نىڭ باقىلاۋ-تارتىپتىك كوميتەتى جۇما كۇنى فۋتبولشىلاردىڭ ءبىر-بىرىنە قول جۇمساۋىنا قاتىستى كەزەكتەن تىس وتىرىس وتكىزەدى.
