قانداي جاعدايدا ادام كارتوپ پەن كۇرىشتەن ۋلانىپ قالۋى مۇمكىن؟
ەگەر كەيبىر تاعام تۇرلەرىن توڭازىتقىشقا سالماي، كەلەسى كۇنى جىلىتىپ جەسەك، ودان ۋلانىپ قالۋىمىز مۇمكىن، دەپ جازادى massaget.kz.
كارتوپ - جوعارى كومىرسۋتەكتى ءونىم. ەگەر ونى دايىنداعان سوڭ بولمە تەمپەراتۋراسىندا بىرنەشە ساعاتقا قالدىرسا، ءتۇرلى ميكرواعزالاردىڭ قورەكتەنۋ ورتاسىنا اينالادى. كارتوپتى دايىنداۋ كەزىندە ميكرواعزالاردى ولتىرگەنىمەن، ونى ەكىنشى رەت ءدال سونداي تەمپەراتۋرادا قىزدىرساڭىز دا، ونداي ناتيجەگە جەتە المايسىز. بولمە تەمپەراتۋراسىندا قايناعان نە قۋىرىلعان كارتوپتا باكتەريالار كوبەيە باستايدى.
«كۇن سايىن دەرلىك سولاي ىستەيمىز، ءبىراق ۋلانىپ جاتقان جوقپىز» دەۋىڭىز ابدەن مۇمكىن. ءبىزدىڭ اعزامىز باكتەريانىڭ بەلگىلى ءبىر كولەمىمەن كۇرەسۋگە بەيىمدەلگەن. كىشكەنتاي بالالاردىڭ يممۋنيتەتى ءالسىز، سوندىقتان توڭازىتقىشقا سالىنباي، جىلىتىپ ىشكەن اس بالالارعا قاۋىپتى.
كۇرىش تە كومىرسۋتەككە (كۇردەلى قانتتار) باي. ول دا جىلى جەردە قانشالىقتى ۇزاق تۇرسا، سونشالىقتى باكتەريا كوپ جينالادى. پالاۋعا ماي، تۇزدىق، دامدەۋىشتەر قوساتىن بولعاندىقتان، ولار پالاۋدى قورشاعان ورتادان قورعاپ، باكتەريانىڭ تارالۋىن ازايتادى. سوندىقتان مۇنداي وزگەرىسكە بەيىمى - سۋعا قايناعان كۇرىش.
الايدا كەز كەلگەن تاعام قالدىعىن توڭازىتقىشقا جىلدامىراق سالساڭىز، ۋلانۋ ىقتيمالدىعى دا ازايادى.
- تاماقتى توڭازىتقىشقا سالماس بۇرىن قانشالىقتى سۋىتۋ كەرەك؟
تاعامنىڭ تەمپەراتۋراسى 80 گرادۋستان تۇسە باستاعاندا، باكتەريا تاراي باستايدى. سوندىقتان، تاماق تولىقتاي بولمە تەمپەراتۋراسىنا دەيىن سۋۋىن كۇتپەي-اق قويىڭىز.
- ىستىق تاماقتان توڭازىتقىش بۇزىلماي ما؟
- ەگەر تومەندەگى 3 ەرەجەنى ساقتاساڭىز، ىستىق تاماقتان توڭازىتقىش بۇزىلمايدى:
- توڭازىتقىشقا تاماقتى دايىنداعان ىستىق ىدىسپەن سالماڭىز. تاعامدى كەز كەلگەن باسقا سۋىق ىدىسقا اۋىستىرىپ سالىڭىز؛
- تاعام سالعان ىدىستىڭ قاقپاعىن مىقتى بەكىتىپ جابىڭىز. توڭازىتقىشقا تاعامنىڭ بۋى جانە ءيىسى سىڭبەۋ قاجەت.
- تاعامدى توڭازىتقىشتاعى باسقا تاعامدارعا تىعىزداپ، جاقىنداتىپ قويماڭىز.
