ينستاگرام جازبالاردى كورسەتۋ رەتىن وزگەرتەدى

استانا. قازاقپارات - ينستاگرام قوسىمشاسى حرونولوگيالىق پرينسيپتەن باس تارتىپ، پايدالانۋشىلاردىڭ تاسپاسىنداعى فوتو جانە ۆيدەولاردى كورسەتۋ رەتىن وزگەرتەدى، دەپ حابارلاندى فوتوسەرۆيستىڭ بلوگىندا.

«ءسىزدىڭ تاسپاڭىزدا جاقىن ارادا، ءبىزدىڭ پايىمىمىز بويىنشا سىزدەرگە قىزىقتى ماتەريالدار الدىڭعى كەزەكتە تۇرادى»، - دەلىنگەن كومپانيانىڭ حابارلاماسىندا.

سەرۆيس قىزمەتكەرلەرى ءوز شەشىمىن اقپارات كولەمىنىڭ وسۋىنە بايلانىستىرىپ وتىر، ويتكەنى پايدالانۋشىلار ورتاشا العاندا %70 جازبانى كورمەي قالادى، سوندىقتان ونىڭ ىشىندە ماڭىزدىلارىن نازاردان تىس قالدىرماۋ كەرەك.

وسىلايشا، ينستاگرامدا جاريالانعانداردىڭ كورسەتۋ رەتى فەيسبۋك الەۋمەتتىك جەلىسىنە بارىنشا ۇقساپ كەلەدى.

ەسكە سالا كەتسەك، بۇل الەۋمەتتىك جەلى فوتوسەرۆيس قوسىمشاسىن 2012 -جىلى ساتىپ العان، دەپ حابارلايدى bbc اگەنتتىگى.