تاعدىر قوسپاسا دا، حالىق قوسقان جۇلدىزدى عاشىقتار - فوتو

استانا. قازاقپارات - بۇل اكتەرلەر ءتۇسىرىلىم كەزىندە شىنايى عاشىقتاردىڭ ءرولىن سومدايدى. الايدا رەجيسسەر «ستوپ، ءتۇسىرىلدى» دەپ ايتا سالىسىمەن، ءارقايسىسى شىنايى ومىردەگى سۇيىكتىلەرىنە ورالادى.

تاعدىر ەمەس، كوگىلدىر ەكراننان كورىپ حالىق قوسقان جۇلدىزدى جۇپتاردى ۇسىنامىز. مۇنداي ءتىزىمدى comode.kz جاساعان ەكەن، - دەپ جازادى stan.kz.

 

ءمولدىر اۋەلبەكوۆا مەن مەيرامبەك بەسبايەۆ

«عاشىق جۇرەك» فيلمى

اتالعان فيلم بايان حانىمنىڭ ارقاسىندا عانا ەمەس، كوپتەگەن جۇلدىزداردىڭ قاتىسۋىمەن تانىلعان- دى. فيلمدە ءمولدىر اۋەلبەكوۆا مەن مەيرامبەك بەسپايەۆتان بولەك، اسەل ءسادۋاقاسوۆا، نۇرتاس ادامبايەۆ، ايگۇل يمانبايەۆا، رانو وماروۆا سىندى جارىق جۇلدىزدار وينايدى. سيۋجەتىنە كەلسەك، بالالار ۇيىندە تاربيەلەنگەن قىز جارىق جۇلدىز مەيرامبەك بەسبايەۆقا عاشىق بولادى. ونى ءبىر كورىپ، ساحنادا بىرگە ءان ايتۋدى ارماندايدى. قۋانىشىنا وراي، ەلىنە ايگىلى پروديۋسەردى جولىقتىرىپ، ۇلكەن ساحناعا قادام باسادى. بايان ەسەنتايەۆا وسى فيلمگە بايلانىستى كوپ سىن ەستيدى. الايدا مۇنىڭ بارلىعى پروديۋسەرگە ءفيلمنىڭ جالعاسىن تۇسىرۋگە ەش كەدەرگى جاسامايدى.

 

ءانۋار نۇرپەيىسوۆ پەن قارلىعاش مۇحامەدجانوۆا

«ال قىزىل قويان تۋرالى ەرتەگى»

اتالعان فيلم قازاق كينوسىنا جاڭا لەپ اكەلدى. اۋىل دراماسىنان كەيىن «قازاقشا توناۋ»، «رەكەتير» سىندى ۇزدىك تۋىندىلار كورەرمەنگە جول تارتتى. «ال قىزىل قويان تۋرالى ەرتەگى» فيلمىندە نۇرپەيىسوۆ العاش رەت كينو الەمىنە جارق ەتىپ شىقتى. بۇلاي دەۋىمىزدىڭ جانى بار. ويتكەنى وسى رولىنەن كەيىن اكتەردى كوپتەگەن رەجيسسەر بىرگە جۇمىس ىستەۋگە شاقىرعان بولاتىن. سيۋجەتىنە كەلەر بولساق، الماتى ج و و- لارىنىڭ بىرىندە 3 كۋرس وقىپ جۇرگەن ازامات بۇل قالاعا تابىسقا جەتەم دەپ كەلگەن- ءدى. وسى قالانىڭ كورىكتى جەرلەرىن ءتۇسىرۋ ارقىلى حالىقتىڭ ىقىلاسىنا دا بولەندى. ال قارلىعاش مۇحامەدجانوۆا اۋىل بالاسىنا عاشىق بولعان باي اكەنىڭ ەركە قىزىن سومدايدى.

 

جاندوس ايباسوۆ پەن دينارا باقتىبايەۆا

«قىز بەن جىگىت»

شىنايى ومىردە سەزىمتالدىعىمەن، نازىكتىگىمەن كوزگە تۇسەتىن اكتريسا، اتالعان فيلمدە سوتقار قىزدىڭ ءرولىن سومدايدى. ءوزىمىز بىلەتىن قوجادان اسىپ تۇسپەسە، كەم ەمەس. فيلم جەلىسىنە سايكەس، اكتەر جاندوس ايباسوۆ قىزدى وسى قاسيەتى ءۇشىن ءسۇيىپ قالادى. بىرنەشە رەت كەزدەسۋگە كەلگەن سوڭ قىز ءىز- ءتۇسسىز جوعالىپ كەتەدى. كەيىپكەرلەر وزدەرىن تاعدىر توعىستىراتىنىنا سەنىپ، كوگىلدىر ەكران الدىندا وتىرعان حالىقتى ۋايىمداتادى. كارتينا تولىق اياقتالماعاندىقتان، كوپ ادام جالعاسى بولادى دەپ كۇتىپ ءجۇر.

 

ءسابينا كەلىن مەن جانىبەك

«ءسابينا كەلىن»

نۇرتاس ادامباي قورىقپاستان ايەل ادامنىڭ وبرازىنا ەنىپ، جۇگەرى اۋىلىندا تۇراتىن ءسابينا كەلىننىڭ ءرولىن سومداعان العاشقى اكتەر. باستى كەيىپكەر ءوزىنىڭ باسىنان كەشكەندەرىن ايتىپ وتىرىپ، دجۋمەيرا بيچ سىندى جاعاجايدا دەمالىپ، قىمبات كولىك ءمىنۋدى ءومىردىڭ ءمانى دەپ تۇسىنەتىن قاتارلاستارىنا كۇلە قارايدى. فيلمدە بەرىلگەن ءازىل- قالجىڭدى كورەرمەندەر جىلى قابىلدادى. 17 -ناۋرىز كۇنى اتالعان ءفيلمنىڭ ەكىنشى بولىگى كورەرمەنگە جول تارتادى.

 

اسەل ساعاتوۆا مەن سايات يسەمبايەۆ

«رەكەتير»

اقان ساتايەۆتىڭ كوركەم ءفيلمى 2007 -جىلى تۇسىرىلەدى. فيلم جۇدىرىقتى ومىردەگى باستى قارۋى سانايتىن سايات ەسىمدى بوكسشى جىگىتتىڭ ءومىرىن باياندايدى. جىگىت جاس كەزىندە جىبەرگەن قاتەلىكتەرى ءۇشىن كوپ جىلدان سوڭ جاۋاپ بەرەدى. ال اكتريسا اسەل ساعاتوۆا ونىڭ عاشىعىن سومدايدى. «رەكەتير» ءفيلمى - رەسەي اكتەرلەرىنىڭ قاتىسۋىمەن وتكەن العاشقى جوبالاردىڭ ءبىرى. بۇل فيلمدە جۇرتقا «بۋمەر» ءفيلمى ارقىلى تانىلعان ۆلاديمير ۆدوۆيچەنكوۆ ويناعان بولاتىن.

ارۋجان جازىلبەكوۆا مەن داۋرەن ايدارقۇلوۆ

«سۆادبا نا ترويح»

وتباسىلى جۇپ اسقار بيسەمبين مەن بايان ەرىمبەتتىڭ العاشقى جوباسى 2015 -جىلى شىققان بولاتىن. داۋرەن ايدارقۇلوۆ، ارۋجان جازىلبەكوۆا، نۇرتاس ادامبايەۆ ۇشەۋى بىرىگىپ عاشىقتاردىڭ ءرولىن ويناپ شىعادى. نۇرتاس الاياقتىڭ ءرولىن كەرەمەت سومداعاندى. ارۋجاندى سۇيىكتىسى الداپ كەتەدى. ارتىنشا سۇيىكتىسىنىڭ جان دوسى وزىنە عاشىق بولىپ، ەكەۋىنىڭ تانىستىعى ماحابباتقا ۇلاسادى.