17:05, 16 - ناۋرىز 2016 | GMT +5
لوندونداعى وليمپيادا چەمپيوندارى استاناداعى تۋرنيرگە كەلەدى
استانا. قازاقپارات - لوندون وليمپياداسىنىڭ گرەك-ريم كۇرەسى بويىنشا جەڭىمپازدارى وڭتۇستىك كورەيالىق كيم حەن- ۆۋ جانە يراندىق حاميد سوريان قازاقستاننىڭ ەلورداسى استانادا ازيالىق ليسەنزيالىق تۋرنيردە ءوز مۇمكىندىكتەرىن سىنايدى، دەپ حابارلاندى ۆكونتاكتە جەلىسىندەگى Kazakhstan Wrestling Online پاراقشاسىندا.
سونداي-اق وليمپياداعا جولداما الۋ ءۇشىن گرەك-ريم كۇرەسى بويىنشا الەم چەمپيوناتىنىڭ جۇلدەگەرلەرى وميد نوۋرۋزي (يران) جانە ەلمۋرات تاسمۋرادوۆ (وزبەكستان) كەلەدى. ەركىن كۇرەس بويىنشا الەم بىرىنشىلىگىنىڭ جۇلدەگەرلەرى سوسۋكە تاكاتاني (جاپونيا)، كومەيل گاسەمي (يران) جانە ت. ب. استانامىزعا كەلەدى.
جارىستىڭ ءار كۇنىندە ءار تۇرىنەن ەكى سالماقتا كۇش سىناسادى. تۋرنير 18-20 -ناۋرىزدا وتەدى. ءار سالماق دارەجەسىندەگى فينالعا شىققاندار وليمپيادالىق ليسەنزيالاردىڭ يەگەرى اتانادى.
