قولتىراۋىندى اسىراپ العان ايەل ونى ەركىندىككە جىبەرۋدەن باس تارتىپ وتىر - فوتو
جانۋارلاردى قورعاۋ ۇيىمىنىڭ پايىمىنشا، رەمبو ەسىمدى 55 كەلى الليگاتور تابيعي ورتادا كەم دەگەندە ءبىر گەكتار اۋماقتا مەكەندەۋى ءتيىس.
ال ونىڭ يەسى قويقاڭنىڭ (الليگاتور) ەشكىمدى تىستەمەيتىنىن، ىم-يشاراتتى تۇسىنەتىنىن، ۇيدە ادامدارمەن جانە يتتەرمەن بىرگە ءومىر سۇرۋگە ۇيرەنىپ كەتكەندىگىن جانە كيىم كيىپ جۇرۋگە داعدىلانعاندىعىن العا تارتۋدا.
جىرتقىش جالعىز ءومىر سۇرە المايدى، دەيدى يەسى. باۋىرىمەن جورعالاۋشى ءتىپتى بايكەر ايەل مەريمەن بىرگە موتوتسيكلگە مىنەدى.
تورن الليگاتوردى 11 جىلدان بەرى باعىپ-قاعىپ كەلەدى. قولتىراۋىندى مەكتەپتەرگە، قايىرىمدىلىق شارالارىنا قاتىستىرۋعا اپارادى.
رەمبو دالاعا شىقپايدى، يەسى «ونىڭ تەرىسى كۇنگە شىدامايدى» دەگەندى ايتادى، سوندىقتان كوشەگە شىعار الدىندا سەزىمتال تەرىسىن قورعاۋ ءۇشىن ونى ارنايى كيىم كيىندىرەدى.
شەنەۋنىكتەر رەمبونى تامپتەگى Croc Encounters جابايى جانۋارلاردىڭ قورىعىنا جىبەرۋگە ۇسىنىپ وتىر. Croc Encounters ديرەكتورى دجو پانەر ەگەر تورن ولارعا قويقاڭدى بەرسە، ونى وزگە باۋىرىمەن جورعالاۋشىلاردان الشاق ۇستاپ، كۇنگە كوپ شىعارماۋ جونىندەگى تالاپتى ساقتايتىندىقتارىن ايتۋدا.
