16:50, 16 - ناۋرىز 2016 | GMT +5
تاياۋ كۇندەرى ەلىمىزدىڭ اۋا رايى توسىن مىنەز تانىتادى - سينوپتيكتەر
استانا. قازاقپارات - ەلىمىزدە تاياۋ كۇندەرى اۋا رايى توسىن مىنەز تانىتادى، - دەپ حابارلايدى Tengrinews.kz ءتىلشىسى «قازگيدرومەت» كاسىپورنىنا سىلتەمە جاساپ.
سينوپتيكتەر 17-19 -ناۋرىزعا ارنالعان اۋا رايى بولجامىن جاريا ەتتى.
سينوپتيكتەردىڭ مالىمەتىنشە، الداعى ءۇش تاۋلىكتە قازاقستان اۋماعى ارقىلى جىلجىعان سيكلون مەن اتموسفەرالىق فرونتتار رەسپۋبليكانىڭ بارلىق اۋماعىنا جاۋىن- شاشىن، داۋىل مەن بۇلتتى اۋا رايىن الىپ كەلەدى.
«جاۋىن- شاشىنمەن بىرگە تۇمان كۇتىلۋدە. قازاقستاننىڭ سولتۇستىك جارتىسىندا بوران سوعىپ، كوكتايعاق بولادى. الايدا اۋا تەمپەراتۋراسى كليماتتىق نورمادان جوعارى بولادى، سولتۇستىكتە دە سول دەڭگەيدە ساقتالادى»، - دەپ حابارلادى ماماندار.
ەسكە سالا كەتەيىك، بۇعان دەيىن سينوپتيكتەر ناۋرىز مەيرامىندا اۋا رايىنىڭ قانداي بولاتىنىن ايتتى. مامانداردىڭ مالىمەتىنشە، كەلەسى اپتانىڭ باسىندا سكانديناۆيالىق سيكلون باتىس باعىتتا جىلجي وتىرىپ، قازاقستاننىڭ باسقا دا اۋماقتارىن قامتيدى.
