ۇلتتىق قوردىڭ رەزەرۆتەرىندە قانشا قاراجات بار؟

استانا. قازاقپارات - ق ر ۇلتتىق بانكى ءتوراعاسىنىڭ ورىنباسارى الپىسباي احمەتوۆ بۇگىن اقتوبە قالاسىندا وتكەن باسپا ءسوز ءماسليحاتىندا جۋرناليستەردىڭ ۇلتتىق قوردىڭ رەزەرۆتەرى تۋرالى سۇراققا جاۋاپ بەردى.

ونىڭ ايتۋىنشا، ۇلتتىق قوردىڭ ۆاليۋتالىق پورتفەلىنىڭ جانە قازاقستان ەميتەنتتەرى وبليگاتسيالارىنىڭ تەڭگەدەگى پورتفەلىنىڭ جيىنتىق نارىقتىق قۇنى 2015-جىلعى 31- جەلتوقساندا 65,7 ميلليارد ا ق ش دوللارىن قۇرادى. ول بۇل رەتتە ۆاليۋتالىق پورتفەل قۇنىنىڭ 63,3 ميلليارد ا ق ش دوللارى (96.44 پايىز)، وبليگاتسيالاردىڭ تەڭگەدەگى پورتفەلىنىڭ قۇنىنىڭ بالاماسى 2,3 ميلليارد ا ق ش دوللارىن (3.56 پايىز) قۇرايتىنىن ناقتىلادى.

«ۇلتتىق قوردىڭ ۆاليۋتالىق پورتفەلىنىڭ قۇرامىنداعى تۇراقتاندىرۋ جانە جيناق پورتفەلدەرىنىڭ نارىقتىق قۇندارى تيىسىنشە 17,8 ميلليارد ا ق ش دوللارىن (28.12 پايىز) جانە 45,6 ميلليارد ا ق ش دوللارىن (71.88 پايىز) قۇرايدى»، - دەپ اتاپ ءوتتى ۇلتتىق بانكتىڭ باسشىسى.

tengrinews.kz