تانىمال باسكەتبولشى ەردوعاننىڭ باس كەڭەسشىسى بولىپ تاعايىندالدى

استانا. قازاقپارات - تۇركيانىڭ تانىمال سپورتشىسى، بۇرىنعى باسكەتبولشى حيدايات تۇركىوعلى رەسمي تۇردە تۇركيا ەلىنىڭ پرەزيدەنتى رەجەپ تايىپ ەردوعاننىڭ باس كەڭەسشىسى بولىپ تاعايىندالدى،

دەپ جازادى سارسەنبى كۇنى Anadolu  اگەنتتىگى.

بۇل تۋرالى Trend-كە سىلتەمەمەن Day.Az حابارلاپ وتىر.

بۇعان دەيىن تۇركىوعلىنى ەردوعاننىڭ باس كەڭەسشىسى قىزمەتىنە تاعايىنداۋ كۇتىلىپ وتىرعانى حابارلانعان.

 37 جاستاعى تۇركىوعلى 15 جىل بويى NBA- دا (سولتۇستىك امەريكا، اتاپ وتكەندە ا ق ش جانە كانادادا ەرلەردىڭ كاسىبي باسكەتبول ليگاسى) ويناعان.