لاۋازىمدى قىزمەتكەرلەر جەزوكشەلەرمەن كوڭىل كوتەرگەنى ءۇشىن ۇستالدى

استانا. قازاقپارات - تاشكەنتتە مەملەكەتتىك رەزيدەنتسيا اۋماعىندا ءزاۋلىم ءۇيدى كوڭىل كوتەرۋ ءۇشىن پايدالانعان پروكۋراتۋرا، ارنايى قىزمەت جانە وزگە دە كۇش قۇرىلىمدارىنىڭ قىزمەتكەرلەرى ۇستالدى.

بۇل تۋرالى ورتالىق ازيا جاڭالىقتارى حابارلايدى.

Uzmetronom ينتەرنەت-باسىلىمىنىڭ حابارلاۋىنشا، وزبەكستاننىڭ ۇلتتىق قاۋىپسىزدىك قىزمەتى «قارا ماسكا» كيىپ، تاشكەنت ورتالىعىنداعى «تۇركىستان» مەملەكەتتىك رەزيدەنتسيانىڭ اۋماعىنا رەيد جۇرگىزگەن.

ارنايى وپەراتسيا بارىسىندا مەملەكەتتىك رەزيدەنتسيا اۋماعىنداعى ءزاۋلىم ۇيدە جەڭىل ءجۇرىستى كەلىنشەكتەرمەن كوڭىل كوتەرىپ جاتقان پروكۋراتۋرا، ارنايى ورگان قىزمەتكەرلەرىنىڭ ۇستالعاندىعى جازىلعان. ينتەرنەت-باسىلىمنىڭ مالىمەتى بويىنشا، ءزاۋلىم ءۇيدى جالعا الىپ، سەكسۋالدى قىزمەت كورسەتۋدى ۇيىمداستىرعان ادامدار دا ۇستالعان.

بارلىعى 32 ادام رەسپۋبليكانىڭ ىشكى ىستەر مينيسترلىگىنە جەتكىزىلگەن. Uzmetronom سايتىنىڭ سەنىمدى دەرەككوزى بويىنشا، ولار تۇسىنىكتەمە بەرگەن دەپ جازادى ينتەرنەت-باسىلىمنىڭ باس رەداكتورى سەرگەي ەجكوۆ.