مەملەكەت باسشىسى جۇمىس ساپارىمەن پاۆلودار وبلىسىنا بارادى
مەملەكەت باسشىسى «B.B.NURA» نەفرولوگيا جانە ەففەرەنتتىك تەراپيا ورتالىعىنا بارادى دەپ كۇتىلۋدە.
بۇل - بۇيرەك جەتىسپەۋشىلىگىمەن زارداپ شەگەتىن ناۋقاستارعا تولىقتاي نەفرولوگيالىق كومەك كورسەتۋگە ماماندانعان 25 اپپاراتى بار ءىرى دياليزدىك ورتالىق.
مەديتسينالىق ورتالىق «ABM Investment Group» باسقارۋشى كومپانياسى» ج ش س- مەن مەملەكەتتىك- جەكە ارىپتەستىك اياسىندا سالىندى. ونىڭ نەگىزگى ارىپتەسى «B.Braun Avitum AG» كومپانياسى (گەرمانيا) بولىپ تابىلادى.
جوبا قۇنى 330 ميلليون تەڭگەدەن استامدى قۇرايدى.
ەل پرەزيدەنتىن «ۋپنك- پ ۆ» ج ش س- دا دا كۇتۋدە. بۇل كۇيدىرىلگەن كوكس شىعاراتىن كاسىپورىن يندۋستريالداندىرۋ كارتاسى اياسىندا 2015 - جىلعى جەلتوقساندا ىسكە قوسىلعان. جوبا بويىنشا جالپى ينۆەستيتسيا قۇنى 23 ميلليارد تەڭگە. جۇمىس ورنى 309 ادامعا ارنالعان. كاسىپورىننىڭ الەۋەتتى تۇتىنۋشىسى «قازاقستان ەلەكتروليزدىك زاۋىتى» ا ق بولىپ تابىلادى. جەرگىلىكتى كۇيدىرىلگەن كوكس ق ح ر- دان اكەلىنەتىن يمپورتتى 100 پايىز الماستىرا الادى. كەلەشەكتە ءونىم بولىگى ر ف، قىتايعا ەكسپورتتالادى.
