قىتايلىق كاسىپكەر ۇلى مەن بيزنەسىن ۋىسىندا ۇستايتىن قالىڭدىق ىزدەۋدە
ول ءوزىنىڭ 38 جاستاعى ۇلىنا جار بولاتىن جانە سونىمەن قاتار قول استىنداعى زاۋىتتى باسقاراتىن ايەلدى ىزدەستىرىپ جاتىر ەكەن، دەپ حابارلايدى سووبشاەت South China Morning Post.
سەبەبى كاسىپكەر بالاسىنىڭ بولاشاعى ءۇشىن الاڭداۋلى. ونىڭ ۇلى چەن ديان وسىدان شامامەن ون جىل بۇرىن اجىراسقان. چەن دياننىڭ سول نەكەدە تۋىلعان ءبىر قىزى بار. حابارلاندىرۋدا جاسى 38 دەن اسپاعان «باستىق ايەل» كەرەك ەكەندىگى تۋرالى ايتىلعان. ول اجىراسقان جانە بالالارى بار بولسا دا تۇك ەتپەيدى. سونداي-اق ول جوعارى ءبىلىمدى جانە ونەركاسىپتى ۇرشىقتاي ءۇيىرىپ اكەتەتىن بولۋى ءتيىس ەكەن.
سويتسە، بيزنەسمەننىڭ ۇلى قابىلەتتى مەنەدجەر بولعانىمەن، ونىڭ ءبىلىمى جەتكىلىكسىز جانە كومپيۋتەردە جۇمىس ىستەي المايتىن بولىپ شىققان. سونداي-اق ول وزگەلەرمەن «ءاپ» دەگەندە ارالاسىپ كەتە الماي، ءوزى ءبىرىنشى بولىپ، باستاما كوتەرمەيدى. سول سەبەپتى كاسىپكەر ۇلى مەن بيزنەستى ۋىسىندا ۇستايتىن ايەلدى ىزدەستىرەدى.
