قىتاي يننوۆاتسياسى الەمدىك عاجايىپتى قالىپتاستىرۋدا
قىتاي پرەمەر-ءمينيسترى لي كىشياڭ باسشىلىعىمەن وتكەن جىلى ۇكىمەت جۇمىسى تۋرالى بايانداما جاساعان كەزدە ەرەكشە تالاپ - قۇجاتقا «جاپپاي كاسىپكەرلىك جانە يننوۆاتسيا» تۇجىرىمىن ەنگىزۋدى ۇسىندى، دەپ حابارلادى «رىنمين رىباۋ» ءتىلشىسى سۋن تيانجەن.
كوپتەگەن دەرەكتەر الەمدىك قوعامداستىقتىڭ نازارىن اۋدارىپ، قىتايدا يننوۆاتسيا مەن كاسىپكەرلىك بەلسەندى دامىپ كەلە جاتقانىن كورسەتەدى. لوندوننىڭ UHY كونسالتينگ فيرماسىنىڭ سوڭعى بايانداماسىنىڭ دەرەكتەرىنە سايكەس 2010 -جىلدان باستاپ قىتايدا قۇرىلعان ستارتاپتار سانى جىلىنا 100 پايىزعا ارتقان جانە 2014 -جىلى يننوۆاتسيالىق كاسىپورىنداردىڭ جالپى سانى 1,61 ميلليون قۇرادى. بۇل يننوۆاتسيالىق كومپانيالاردى قۇرۋ بويىنشا ەكىنشى ورىنداعى ۇلى بريتانيا سەرپىنىنە قاراعاندا، ەكى ەسە جىلدام، سونىمەن بىرگە ا ق ش- قا قاراعاندا دا ەداۋىر جىلدام.
فوتودا: تيانجين قالاسى يۋيجياپۋ ىسكەرلىك اۋدانىندا ورنالاسقان Beginning Space يننوۆاتسيالىق ينكۋباتورلىق پلاتفورما. اپپاراتۋرادان باسقا، تيانجين قالاسى يۋيجياپۋ ىسكەرلىك اۋدانىندا ورنالاسقان Beginning Space يننوۆاتسيالىق ينكۋباتور پلاتفورماسى كوپ جاعدايدا رەزيدەنت كومپانيالارعا كراۋدفاۋندينگ بويىنشا پلاتفورما جانە قارجىلاندىرۋ تۇرعىسىنان يننوۆاتسيالىق كاسىپورىنداردىڭ سۇرانىسىن قاناعاتتاندىرۋ جانە ولاردىڭ قىزمەتىن جارنامالاۋ ءۇشىن ءبىلىم بەرۋ پلاتفورماسى سياقتى قىزمەتتەر ۇسىنادى. «رىنمين رىباۋ» ءتىلشىسى ليۋ حۋەيدىڭ فوتوسى.
قازىرگى ۋاقىتتا قىتاي ۇكىمەتى ءبىر جاعىنان، اكىمشىلىك راسىمدەردى قىسقارتىپ، وكىلەتتىكتى تومەن بۋىندارعا بەرە وتىرىپ، نارىق سۋبەكتىلەرى ءۇشىن شەكتەۋدى السا، ەكىنشى جاعىنان «ينتەرنەت+» جانە باسقا دا ستراتەگيا كومەگىمەن قولايلى ماكروورتا قالىپتاستىرۋدا. ينكۋباتسيالىق كاسىپكەرلىك بەلسەندىلىك ولاردىڭ ارتىنشا اشىقتىق داۋىرىنە كىرەدى. وسىلايشا نارىقتىق ەرەكشەلىك سەرياسى بار جانە جاپپاي ستارتاپ كەڭىستىكتى دامىتا وتىرىپ، ەرتە كاسىپكەرلىك بەلسەندىلىكتى ىنتالاندىراتىن «جاڭا ۇلگى ينكۋباتورى» پايدا بولادى.
بەيجىڭدەگى جۋنگۋانچۋن «يننوۆاتسيا كوشەسىندە» يننوۆاتسيالىق كومپانيالار مەن ينكۋباتورلاردىڭ سوڭعى ۋاقىتتا جۇمىستارى قىزا تۇسۋدە. تيانجين قالاسى يۋيجياپۋ ىسكەرلىك اۋدانىندا ورنالاسقان «شۋاڭچۋان» بيىك عيماراتى جاستار ءۇمىت ارتاتىن ورىن بولىپ تابىلادى. قىتايدا جاس كاسىپكەرلەردى تارتاتىن وسىنداي ايماقتار كوپ. ولار تولىقتاي ۇكىمەتتىڭ قولداۋىن العان (قولداۋ ساياسيدان قارجىعا دەيىن بارلىق اسپەكتىلەردى قامتيدى) جانە ستارتاپتار ءۇشىن ءبىرىڭعاي قىزمەت ورتالىعىن پايدالانا وتىرىپ، ءوز كاسىپورىندارىن جەدەل ىسكە قوسادى. وسى جاڭالىقتىڭ ارقاسىندا، عىلىمي تەحنولوگيا سالاسىنداعى ستارتاپتى نەبارى بىرنەشە كۇندە تىركەۋگە بولادى.
Dajiang Innovation Science and Technology Co.، Ltd. (DJI) كومپانياسىنىڭ ۇشقىشسىز اپپاراتتارى.
GEM (Global Entrepreneurship Monitor) حالىقارالىق عىلىمي- زەرتتەۋ ۇيىمىنىڭ زەرتتەۋ ناتيجەلەرى كامەلەتتىك جاسقا تولعان قىتايلىقتار اراسىندا %13-%24 ى تاياۋدا كاسىپكەرلىكپەن اينالىسپاق نەمەسە 42 ايدان اسپايتىن ۋاقىتتا ءوز بيزنەستەرىن اشقان جاس كاسىپكەرلەر بولىپ تابىلادى.
الەمدىك جىلناماعا كىرگەن كاسىپكەرلىككە قاتىستى كوپتەگەن مىسالدار كەلتىرۋگە بولادى. مىسالى، الەمدەگى ءىرى ۇشقىشسىز اپپارات ءوندىرۋشى - Dajiang Innovation Science and Technology Co.، Ltd. (DJI) كومپانياسىن ايتا كەتۋگە بولادى. بۇل كومپانيانى 6 جىل بۇرىن سيانگان عىلىم جانە تەحنولوگيالار ۋنيۆەرسيتەتىندە وقيتىن قۇرلىقتىق قىتايدىڭ ءۇش اسپيرانتى قۇرعان. كومپانيا شىنجىن (گۋاڭدۇڭ پروۆينسياسى) قالاسىندا شاعىن پاتەر جالداپ، 5-6 قىزمەتكەر ۇستاعان. ال وتكەن جىلعى تامىزدا DJI قىزمەتكەرلەرىنىڭ سانى 4 مىڭ ادامعا جەتتى.
ق ح ر پرەمەرى لي كىشياڭ «جاپپاي كاسىپكەرلىك پەن يننوۆاتسيانى جىلجىتۋ ەلدى جۇمىسپەن قامتىپ قانا قويماي، تابىس كوزى دە بولاتىنىن اتاپ ءوتتى. بۇدان باسقا، بۇل ساتىلاس الەۋمەتتىك موبيلدىلىك پەن الەۋمەتتىك ادىلدىككە ىقپال ەتەتىن بولادى» . تۇتاستاي، تالداۋشىلار يننوۆاتسيا مەن كاسىپكەرلىك - بۇل ادامنىڭ جەكە ارمانىن جۇزەگە اسىرۋ ءۇشىن قوسىمشا مۇمكىندىك دەپ سانايدى. بۇدان باسقا، كاسىپكەرلىك پەن يننوۆاتسيا تۇراقتى تۇردە قىتاي ەكونوميكاسىن وزگەرتۋ جانە جاڭعىرتۋ ءۇشىن ماڭىزدى قوزعاۋشى كۇش بولىپ تابىلاتىن ەكونوميكالىق ءوسىمنىڭ جاڭا ورىندارىن قالىپتاستىرادى.
