ۇلىستىڭ ۇلى كۇنىنە ارنالعان رەسپۋبليكالىق اقىندار ايتىسى وتەدى

استانا. قازاقپارات - 18- ناۋرىز كۇنى وڭتۇستىك قازاقستان وبلىسى اكىمدىگىنىڭ قولداۋىمەن شىمكەنتتەگى «تۇركىستان» سارايىندا ۇلىستىڭ ۇلى كۇنىنە ارنالعان رەسپۋبليكالىق اقىندار ايتىسى وتكىزىلمەك.

اتالعان جىر دوداسى قازاقستاننىڭ تاۋەلسىزدىگىنىڭ - 25، مادەلىقوجا ءجۇسىپقوجا ۇلىنىڭ - 200 جانە قازانعاپ بايبول ۇلىنىڭ 125 جىلدىعىنا ارنالادى.

وڭتۇستىك قازاقستان وبلىسىندا 2004-جىلدان بەرى ۇيىمداستىرىلىپ كەلە جاتقان رەسپۋبليكالىق ايتىسقا ايبەك قاليەۆ، ءبىرجان بايتۋوۆ، اسپانبەك شۇعاتايەۆ، نۇرلان ەسەنقۇلوۆ، ءمولدىر ايتباي، مۇقتار نيازوۆ، كاريما ورالوۆا، جارقىنبەك ناۋشابەكوۆ، قاجىمۇقان ابزالوۆ، انار جاپپارقۇلوۆا، قاليجان بىلداشيەۆ، ماقسات احانوۆ، داۋرەن اقساقالوۆ، باۋىرجان شيمەردەن ۇلى، ەركەبۇلان قاينازاروۆ، اناپيا نۇرعالي سىندى ەلگە بەلگىلى جىر دۇلدىلدەرى قاتىسادى.

ايتىستىڭ جۇرگىزۋشىسى قازاقستان رەسپۋبليكاسىنىڭ ەڭبەك سىڭىرگەن قايراتكەرى - ءجۇرسىن ەرمان، دەپ حابارلايدى و ق و اكىمىنىڭ باسپا ءسوز قىزمەتى.