عالىمدار: الەۋمەتتىك جەلىگە سۋرەتى جاريالانعان تاعام دامدىرەك كورىنەدى

استانا. قازاقپارات - الەۋمەتتىك جەلىدەگى پاراقشاڭىزعا جەگەلى وتىرعان تاعامنىڭ سۋرەتىن ءجيى جاريالايسىز با؟

ال ا ق ش عالىمدارى بۇل ارەكەتتىڭ تابەتتى ارتتىرا تۇسەتىنىن العا تارتتى. سويتسە، ىشكەلى وتىرعان اسىن اۋەلى سۋرەتكە ءتۇسىرىپ، عالامتورعا جاريالاپ بولىپ عانا تاماق جەيتىندەر ەرەكشە راحاتقا بولەنەدى ەكەن، دەپ جازادى 24.kz.

زەرتتەۋشىلەر بۇل تۇجىرىمدى Journal of Consumer Marketing باسىلىمىندا جاريالادى. وسى رەتتە وتكىزىلگەن تاجىريبەگە 100 گە جۋىق ادام قاتىسىپ، جوعارىدا سيپاتتالعان ارەكەتتى قايتالاعان.

ال ەندى سولاردىڭ %90 سۋرەتى جاريالانعان تاماقتىڭ ادەتتەگىگە قاراعاندا الدەقايدا دامدىرەك بولىپ كورىنگەندىگىن مويىنداپتى. عالىمدار بۇعان مىناداي تۇسىنىكتەمە بەردى: ادام تاعامدى سۋرەتكە ءتۇسىرۋ بارىسىندا ونى ءتۇرلى قىرىنان قاراستىرىپ، استىڭ جالپى سىرتقى كورىنىسىنە ىشتەي باعا بەرەدى. سول سەبەپتى سۋرەتكە ءتۇسىرىلىپ، پاراقشاعا جاريالانعان كەز كەلگەن اس اناعۇرلىم ءدامدى بولىپ كورىنەدى.