ي. تاسماعامبەتوۆ العاشقى قازاقستاندىق پاترون زاۋىتىنىڭ ىرگەتاسىن قالادى - فوتو
بۇل جوبا ق ر ق ك جوعارعى باس قولباسشىسىنىڭ تاپسىرماسى بويىنشا ازىرلەندى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتىنەن.
ۇلتتىق قاۋىپسىزدىكتىڭ قاجەتتى دەڭگەيىن قامتاماسىز ەتۋ، قازاقستاندىق ءونىمدى ارتتىرۋ، سونداي- اق اتىس قارۋىنا ارنالعان قولدا بار پاترونداردىڭ قورىنىڭ ازايتىلۋىن نازارعا الا وتىرىپ، ق ر قارۋلى كۇشتەرىندە اناعۇرلىم سۇرانىسقا يە 5,45*39 م م، 7,62*54 م م، 9*18 م م، 9*19 م م كاليبرلى پاترونداردى ءوندىرۋ بويىنشا زاۋىت قۇرۋ جوسپارلانۋدا.
وسى جوبا شەڭبەرىندە «سارى ارقا» ارنايى ەكونوميكالىق ايماعىنىڭ اۋماعىندا عيمارات كەشەنى مەن پاترون زاۋىتىنىڭ قۇرىلىسىن سالۋ جوسپارلانۋدا. ارنايى ەكونوميكالىق ايماقتىڭ اۋماعىندا بارلىق ينجەنەرلىك كوممۋنيكاتسيالار، اۆتو جانە تەمىرجول كولىگى بار. بۇل ورتالىقتاندىرىلعان تۇردە الاڭنان تىس ينجەنەرلىك ماگيسترالدارعا ىشكى الاڭدىق جەلىلەردى قوسۋ، سونداي- اق قازاقستاننىڭ كەز كەلگەن وڭىرىنە قارۋ- جاراق قويمالارىنا اۆتوموبيلدى جانە تەمىرجول كولىگىمەن ءونىمدى شىعارۋدى جۇزەگە اسىرۋ مۇمكىندىگىن بەرەدى. قۇرىلىستىڭ جالپى اۋدانى 26400 شارشى مەتردى قۇرايدى. قۇرىلىس جۇمىستارىن اياقتاۋ 2017 -جىلدىڭ جەلتوقسان ايىنا جوسپارلانعان.
«پاترون زاۋىتى ۇزاق جىلدار بويى ەل ىشىندە شيكىزات پەن ماتەريالدار تاسىمالداۋعا سۇرانىستى تۇراقتى قامتاماسىز ەتەدى. جەز سياقتى قورىتپانىڭ 300 تونناسىن قولدانۋ ايماقتاعى مامانداندىرىلعان كاسىپورىننىڭ جۇمىسىن جانداندىرادى. ارنايى ەكونوميكالىق ايماق ءتارتىبى جاعدايىندا دا قازاقستاندىق پاترون زاۋىتى سالىق تۇرىندە ءوڭىردىڭ بيۋدجەتىنە جىلىنا 680 ميلليون تەڭگە قارجى تۇسىرەدى. بۇل - ءبىزدىڭ ەڭ قاراپايىم بولجام»، - دەپ اتاپ ءوتتى «قاز تەحنولوگيا» ا ق باسقارما ءتوراعاسى مەدەر ماسەلوۆ.
اتالعان ءوندىرىستىڭ جۇمىسى قازاقستاننىڭ ۇزاق مەرزىمدى اتىس قارۋ- جاراعىنىڭ وق- دارىلەرىن وندىرەتىن ەلدەر قاتارىنا ەنۋىنە مۇمكىندىك بەرەدى. قازىردىڭ وزىندە «قازتەحنولوگيا» ا ق زاۋىت ءونىمىن ەكسپورتتاۋ بويىنشا كەلىسسوزدەر جۇرگىزۋدە. اتاپ ايتقاندا، «Kadex-2016» كورمەسى اياسىندا ءار ءتۇرلى مەملەكەتتەرگە ءونىم جەتكىزۋ جونىندە كەلىسىمگە قول قويۋ جوسپارلانىپ وتىر.
قازىرگى ۋاقىتتا قازاقستان رەسپۋبليكاسىندا اتىس وق- دارىلەرى شىعارىلمايتىنىن ايتا كەتەيىك. بۇل رەتتە قورعانىس مينيسترلىگىنىڭ مۇقتاجدىعى ءۇشىن اعىمداعى پاتروندارداعى قاجەتتىلىك ك س ر و- نىڭ قۇلدىراۋىنا دەيىن قۇرىلعان قورلار ەسەبىنەن جابىلادى. قازاقستان رەسپۋبليكاسىنىڭ قارۋلى كۇشتەرىن وق- دارىلەرمەن قامتاماسىز ەتۋ ءۇشىن قازاقستاندىق شيكىزات پەن ماتەريالدار پايدالانىلادى. بۇل جەتكىزۋشى ەلدەردەن تاۋەلسىز بولۋعا مۇمكىندىك بەرەدى. قازاقستان رەسپۋبليكاسى قارۋلى كۇشتەرىنىڭ وق- دارىلەرمەن قامتاماسىز ەتىلۋى جالپى العاندا، ەلدىڭ جانە ءوڭىردىڭ اسكەري- ساياسي قاۋىپسىزدىگىن ارتتىرادى.
پاترونداردى ءوندىرۋ بويىنشا جابدىقتى كانادالىق Waterbury Farrel كومپانياسى جەتكىزەتىن بولادى. قازاقستاندىق پاترون زاۋىتى ءوندىرۋ قۋاتتىلىعى جىلىنا 30 ميلليون دانانى قۇرايتىن پاترونداردى شىعارۋعا ارنالعان وزىق قۇرالمەن جابدىقتالادى. تەحنولوگيالىق جابدىق يننوۆاتسيالىق تەحنولوگيالاردى قولدانا وتىرىپ، الەمدىك ساپا ستاندارتىنا سايكەس كەلەدى. قۇراستىرۋ جانە ىسكە قوسۋدى دايىنداۋ جۇمىستارى 2017 - جىلى وتەدى. مونتاجداۋ جۇمىستارى وندىرىستىك پەرسونالدى وقىتۋمەن بىرىكتىرىلەدى. جاڭا 164 جۇمىس ورنى قۇرىلادى. وسىلايشا، اۋقىمدى ماقساتتا قولدانىلاتىن وق- ءدارى شىعارۋ بويىنشا كلاستەر قۇرۋ جوسپارلانۋدا.
