قازاقستان تايلاندپەن تۋريزم، ەنەرگەتيكا سالالارىنداعى ىنتىماقتاستىقتى ارتتىرا تۇسۋگە ءازىر - ن. نازاربايەۆ
تايلاند قازاقستاننىڭ وڭتۇستىك- شىعىس ازياداعى ماڭىزدى سەرىكتەسى بولىپ سانالادى. استانا مەن بانگكوك اراسىنداعى ءوزارا ءىس- قيمىل، ءوزارا تۇسىنىستىك جانە سەنىم ىڭعايىندا ءداستۇرلى تۇردە دامىپ كەلەدى. تايلاند باسشىلىعىنا ازياداعى ءوزارا ءىس- قيمىل، سەنىم شارالارى كەڭەسى ۇدەرىسىن، الەمدىك ءداستۇرلى دىندەر ليدەرلەرى سەزى اياسىنداعى ءدىنارالىق ديالوگتى نىعايتۋعا قوسقان ىقىلاستى ۇلەسى ءۇشىن زور ريزاشىلىعىمدى بىلدىرەمىن»، - دەدى ن. نازاربايەۆ.
ق ر پرەزيدەنتىنىڭ اتاپ وتۋىنشە، قازاقستان تايلاندپەن تۋريزم، اۋىل شارۋاشىلىعى، ەنەرگەتيكا جانە كولىك قارىم- قاتىناسى جونىندەگى لوگيستيكا بويىنشا جەمىستى ىنتىماقتاستىقتى ارتتىرا تۇسۋگە ءازىر.
«دۇنيەجۇزىلىك ساۋدا ۇيىمى اياسىنداعى تىعىز قارىم- قاتىناس ساۋدا- ەكونوميكالىق ىنتىماقتاستىقتى دامىتۋ ءۇشىن كەرەمەت مۇمكىنشىلىككە جول اشىپ وتىر»، - دەدى ەلباسى.
ءسوز سوڭىندا ەلباسى ەلشىلەردى ديپلوماتيالىق قىزمەتتەرىنىڭ باستالۋىمەن قۇتتىقتاپ، قىزمەتتەرىنە تابىستار تىلەدى، الدا كەلە جاتقان ۇلىستىڭ ۇلى كۇنى ناۋرىز مەرەكەسىمەن قۇتتىقتادى.
ايتا كەتەيىك، بۇگىن اقوردادا قر پرەزيدەنتىنە بۇۇ دامۋ باعدارلاماسىنىڭ قازاقستانداعى تۇراقتى وكىلى، بۇۇ- نىڭ تۇراقتى ۇيلەستىرۋشىسى نوريماسا شيمومۋرا، يزرايل ەلشىسى ميحايل برودسكيي، وزبەكستان ەلشىسى يكروم نازاروۆ، ازەربايجان ەلشىسى راشاد ماممادوۆ، تايلاند ەلشىسى نات پينوۆاتتاناچيپ سەنىم گراموتاسىن تابىس ەتكەن بولاتىن.
اۆتور: مارلان جيەمباي
