قازاقستان موڭعوليادان التىندى شيكىزات رەتىندە ساتىپ الۋعا نيەتتى

استانا. قازاقپارات - قازاقستان تاراپى يراننىڭ التىنىن ءوندىرۋ كولەمىن ارتتىرىپ، موڭعوليا قۇندى مەتاللدارىن وندىرۋگە نيەتتى.

 بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «تاۋ- كەن التىن» ج ش س اففيناج زاۋىتىنىڭ ديرەكتورى مەيرامعالي تىلەۋجانوۆ ءمالىم ەتتى.

«قازىرگى كەزدە يرانمەن ءتيىستى جۇمىستاردى جۇرگىزىپ جاتىرمىز. بۇل ەلدەن التىن قازاقستانعا جەتكىزىلدى جانە ونى ءوندىرىپ، شىعارىپ جاتىرمىز. ياعني، وسى التىندا يراننان شيكىزات رەتىندە ساتىپ الۋدامىز. اتاپ ايتقاندا، بۇگىندە قۇندى مەتالداردى شيكىزات رەتىندە شەتەلگە ساتپايمىز. بۇل رەتتە كەرىسىنشە شيكىزاتتى شەت مەملەكەتتەردەن قازاقستانعا تاسىمالداۋدى پىسىقتاپ جاتىرمىز»، - دەدى م. تىلەۋجانوۆ.

ونىڭ سوزىنە قاراعاندا، قازاقستان تاراپى بيىلعى مامىردا موڭعوليادا وتەتىن سامميتكە دايىندالىپ جاتىر. وسى ورايدا اتالعان ەلدىڭ التىنىن شيكىزات رەتىندە ساتىپ الىپ، ەلىمىزدە ءوندىرۋ جوسپارى بار.

 «رەسەيدە 11 اففيناج زاۋىتى بار. بۇگىندە ءبىز سولارمەن باسەكەگە ءتۇسىپ وتىرمىز. ءبىزدىڭ زاۋىت ونىمدەرىنىڭ ساپاسى جاقسى بولعاننان كەيىن جانە ەكونوميكالىق تۇرعىدا ءتيىمدى بولعانىن ەسكەرىپ، رەسەيلىك «پوليمەتالل» كومپانياسى ءوز التىندارىن بىزگە الىپ كەلىپ، بيىلدان باستاپ تاعى دا اففيناج جۇرگىزبەك. رەسەيدەن ەكى توننانى الىپ كەلەمىز. سوندىقتان الدىمىزداعى ماقسات - تەك قازاقستاننىڭ عانا التىنىن عانا ەمەس، سونىمەن قاتار الەم ەلدەرىنەن شيكىزاتتى ساتىپ الىپ، وزىمىزدە ءوندىرۋ جانە ق ر ۇلتتىق بانكىن التىنمەن قامتاماسىز ەتۋ»، - دەدى ول.

اۆتور: رۋسلان عابباسوۆ