بۇل كۇنى ق ر ەڭبەك سىڭىرگەن قايراتكەرى قالداربەك نايمانبايەۆ دۇنيەگە كەلگەن
وڭتۇستىك قازاقستان وبلىسىنىڭ ماقتاارال اۋدانىندا تۋعان. قازاق مەملەكەتتىك ۋنيۆەرسيتەتىن بىتىرگەن.
1960-1970-جىلدارى قازىرگى «جاس الاش» گازەتىنىڭ رەداكسياسىندا ادەبي قىزمەتكەر، ءبولىم مەڭگەرۋشىسى، جاۋاپتى حاتشى، باس رەداكتوردىڭ ورىنباسارى قىزمەتتەرىن اتقارعان.
1970-1976-جىلدارى - «ءبىلىم جانە ەڭبەك» (قازىرگى «زەردە») جۋرنالىنىڭ باس رەداكتورى. 1976-1984-جىلدارى - قازاقستان جازۋشىلار وداعى باسقارماسىنىڭ ەكىنشى حاتشىسى.
1986-1987-جىلدارى - رەسپۋبليكالىق اۆتورلار قۇقىعىن قورعاۋ اگەنتتىگىنىڭ ديرەكتورى.
1987-1988-جىلدارى - «ارا-شمەل» جۋرنالىنىڭ باس رەداكتورى.
1988-1991-جىلدارى - «جازۋشى» باسپاسىنىڭ ديرەكتورى.
1991-1996-جىلدارى قازاقستان جازۋشىلار وداعى باسقارماسىنىڭ ءبىرىنشى حاتشىسى قىزمەتتەرىن اتقاردى.
1992-جىلدان دۇنيەجۇزى قازاقتارى قاۋىمداستىعى ءتورالقاسى ءتوراعاسىنىڭ ءبىرىنشى ورىنباسارى بولعان.
ول دۇنيەجۇزى قازاقتارى قاۋىمداستىعى ءتوراعاسىنىڭ ءبىرىنشى ورىنباسارى رەتىندە شەتەلدەگى قازاقتاردىڭ تىنىس-تىرشىلىگىنە قاتىستى پروبلەمالاردى رەسپۋبليكانىڭ باسشى بيلىك ورگاندارىنا جەتكىزىپ، ولاردىڭ ويداعىداي شەشىلۋىنە ات سالىستى.
قازاقستان رەسپۋبليكاسى جوعارعى كەڭەسىنىڭ دەپۋتاتى بولدى. قالامگەردىڭ «داڭق تۇعىرىندا»، «قوشتاسقىم كەلمەيدى»، «باستاۋ»، «سول ءبىر ءتۇن»، «ءۇمىت وتكەلى»، «بەيمازا قوناق»، «اپتاپ»، «شىلدە»، «كوكتوبە» تاعى باسقا كىتاپتارى جارىق كورگەن.
