پاۆلوداردا باۋىرجان مومىش ۇلىنىڭ جاڭا سۋرەتتەرى تابىلدى

استانا. قازاقپارات - پاۆلوداردا كەڭەس وداعىنىڭ باتىرى، حالىق قاھارمانى، ەكىنشى دۇنيەجۇزىلىك سوعىستىڭ داڭقتى جاۋىنگەرى، جازۋشى باۋىرجان مومىش ۇلىنىڭ شيپاجايدا تۇسكەن سۋرەتتەرى تابىلدى، دەپ حابارلايدى pavlodarnews.kz.

«انام نەسىبەلدى ابدىكارىموۆا 1975-جىلى «سارى اعاش» شيپاجايىنا دەمالۋعا بارعاندا باۋىرجان مومىش ۇلىن كەزدەستىرگەن. باۋكەڭ سۋرەتكە ءتۇسۋدى ۇناتا قويمايتىن. سوندىقتان دەمالۋشىلار ول كىسىگە جاقىنداي الماي ءجۇر ەكەن. دەگەنمەن، انام ءوزىنىڭ پىسىقتىعى مەن تاپقىرلىعىنىڭ ارقاسىندا اڭىز اداممەن سۋرەتكە ءتۇسىپتى. ءتىپتى، ءبىر سۋرەتتە ەكەۋىنىڭ اڭگىمەلەسىپ كەلە جاتقانىن كورۋگە بولادى، ءبىراق نە جايلى سويلەسكەندەرى ءبىزدىڭ ەسىمىزدە قالماعانى وكىنىشتى»، - دەدى نەسىبەلدى ابدىكارىموۆانىڭ قىزى سايرام اياشينوۆا.

نەسىبەلدى ابدىكارىموۆا 2007-جىلى 21- ناۋرىزدا دۇنيە سالعان. ول جۇبايى مۇكارام اياشينوۆپەن 1969-جىلى وتاۋ قۇرعان. بۇگىندە اقساقال كەنجەكول اۋىلىندا تۇرادى.