07:17, 16 - ناۋرىز 2016 | GMT +5
عالىمدار: سمارتفون ادامنىڭ كوڭىل كۇيىنە اسەر ەتەدى
استانا. قازاقپارات - عالىمدار سمارتفوندار يەسىنىڭ كوڭىل كۇيىنە كەرى اسەرىن تيگىزەتىنىن انىقتادى.
اسىرەسە ول گادجەتىن ءتىپتى تۇسكى اس كەزىندە دە قولىنان تاستامايتىن ادامدارعا قاتىستى.
كورەيا رەسپۋبليكاسىنىڭ ماماندارى الدىمەن تۇسكى استاعى ءۇزىلىستىڭ جۇمىستىڭ ونىمدىلىگى مەن جۇمىسكەرلەردىڭ جالپى جاعدايىنا اسەرىن انىقتاماق بولادى. 450 ادام قاتىسقان زەرتتەۋ كەزىندە تۇسكى ءۇزىلىستىڭ ۇزاقتىعى ادامداردىڭ ەموتسيالىق جانە فيزيكالىق جاعدايىنا ەش اسەرىن تيگىزبەيتىنى بەلگىلى بولدى.
الايدا بۇل جەردە جۇمىسكەردىڭ ءۇزىلىس ۋاقىتىن قالاي وتكىزەتىنى ماڭىزدى ەكەنى انىقتالدى. ەگەر تۇسكى ءۇزىلىس كەزىندە ادام سمارتفونىنان باس الماسا، وندا ول جۇمىس ۋاقىتى اياقتالعان كەزدە شارشاڭقى ءارى اشۋشاڭ بولادى ەكەن.
ال ەگەر جۇمىسكەر ارىپتەستەرىمەن بىرگە تۇسكى اس ءىشىپ، تاماقتانۋ بارىسىندا كوڭىلدى اڭگىمەلەر وتكىزسە، وندا جۇمىس ۋاقىتى اياقتالعاندا ول كوڭىلدى بولادى.
